2011 watapaq Calendarioqa, Familiachö Diosta Adorana Hörapaqmi parlanqa
Jehoväpa testïgonkunapa 2011 watapaq Calendarionkunaqa, Familiachö Diosta Adorana Hörapaqmi parlanqa. Tsëchömi kanan witsan y unë tiempokunachöpis familiakuna Diosta imanö adorayanqan fötokuna këkan. Hina kanmi wambrannaq casädokuna y soltero këkaqkunapis Bibliapita imanö yachakuyanqan fötokunapis.
Calendariochö yarqamoq unë witsan Diosta sirveq nunakunaqa, Diospa leynin yachakïtam alläpa gustayaq, tsënöpam tukïpa pasarpis alli tsarakuyarqan (Sal. 1:2, 3). Cada fötota rikarmi yarpäshun familiantsikchö atskaq kar, wallkaqlla kar o Diospa kaqchö junto kar o mana junto karpis Familiachö Diosta Adorana Hora alläpa precisanqanta. Calendariochöqa kanmi familiachö Diosta Adorana Hörata imë hunaqpaq patsätsiyanqanta familiakuna qellqayänampaqpis. ¿Qamqa patsätsishqankinaku?