Kushikushun Dios qaramanqantsikkunapita

1. Llapan shumaq qarëkuna,

Alli kuyanqantsik,

Kawënintsik kushitseqqa

Shamun Diosllapitam.

Jehoväqa manam cambiantsu

Ni ichikllachöpis.

Imëkata qaramaqnintsik,

Kawatsimaqnintsik.

2. Ama llakishqa kashuntsu

Wananqantsikrëkur.

Reqintsikmi kuyëninta,

Pishquta wätanmi.

Mana väleqta ashïtsu,

Mana alli këta.

Kushikuntsik Diospa kaqwanmi,

Tinku kaqwan kawar.

3. Nunapaq hatun cösasqa,

Diospaqqa manam välintsu.

Kawanqantsikyaq rurashun

Mana ushakaqta.

Dioschömi riquëzantsik kan;

Wanushqa ushantsu.

Diospa qarëninta kuyantsik

Tinkoqllawan kawar.