• ¿Imanötan Eden huertachö vïda karqan?
    Diosta wiyakuy mana wanur kawakunëkipaq

    • 3 KAQ YACHAKUNËKIPAQ

      ¿Imanötan Eden huertachö vïda karqan?

      Adantawan Ëvataqa imëkawanmi Teyta Dios bendicirqan (Genesis 1:28).

      Jehovämi Ëvata kamarqan y Adan kaqmanmi aparqan

      Jehovämi punta warmita kamarqan y jutinqa Ëvam karqan, y tsëpitam Adanman warmin kanampaq aparqan (Genesis 2:21, 22).

      Adantawan Ëvataqa jutsannaqtam Teyta Diosqa kamarqan. Pensëninkunapis limpium karqan y cuerpunkunapis sänum karqan.

      Adanwan Ëvam täräyanqan Eden huertata rikëkäyan

      Eden huertachömi täräyarqan: tsë shumaq sitiuchöqa mayu, montikuna y animalkunam karqan. Tsë Patsaqa alläpa shumaqmi karqan.

      Jehoväqa pëkunawanmi parlaq y imëkatam yachatseq. Tsë shumaq Patsachö imëyaqpis kawakuyta munarqa Teyta Dios ninqantam cäsukuyänan karqan.

      Juk plantapa frütanta mana mikuyänampaqmi Diosqa nirqan (Genesis 2:16, 17).

      Eden huertachö juk plantapa frütanta mana mikuyänampaqmi Jehoväqa Adantawan Ëvata mandarqan

      Diosqa Adantawan Ëvatam Eden huertachö juk plantapa frütanta mana mikuyänampaq nirqan. Tsë plantapa frütanta mikurninqa wanuyänanmi karqan.

      Mana alli angel Diabluqa juk culebrata utilizarqan Ëvata parlapänampaq

      Juk angelmi Diospa contran churakarqan. Tsë mana alli angelqa Satanas Diablum.

      Diabluqa manam munarqantsu Adanwan Ëva Jehoväta wiyakuyänanta. Juk culebrawanmi Ëvata nirqan Dios michanqan frütata mikurqa mana wanunampaq kaqta. Mikurninqa Diosnö kanampaq kaqtam nirqan. ¡Tsëqa manam rasumpatsu karqan! (Genesis 3:1-5).

  • ¿Imatan pasakurqan Diablu ninqanta wiyakuyanqampita?
    Diosta wiyakuy mana wanur kawakunëkipaq

    • 4 KAQ YACHAKUNËKIPAQ

      ¿Imatan pasakurqan Diablu ninqanta wiyakuyanqampita?

      Adanwan Ëvaqa Diosta mana wiyakuyanqampitam wanuyarqan (Genesis 3:6, 23).

      Ëvaqa Dios michanqan frütatam mikuykan y tsëpitanam Adanta makyan

      Culebra ninqanta cäsurmi Ëvaqa Dios michanqan frütata mikurqan. Tsëpitanam Adanta makyarqan y pëpis mikurqanmi.

      Adanwan Ëvam täräyanqan Eden huertapita yarquykäyan

      Tsëta rurayanqanqa mana allim karqan: jutsam karqan. Teyta Diosqa Adantawan Ëvatam Eden huertapita qarqurqan.

      Adanwan Ëvam awkinyar y chakwanyar wanuyan o wañuyan

      Pëkunapaq y wamrankunapaqpis vïdankunaqa manam fäcilnatsu karqan. Y tiempuwanqa awkinyar y chakwanyarmi wanuyarqan. Wanurqa o wañurqa manam ciëlutatsu ni juk sitiutatsu ëwayarqan, tsëllachömi ushakäyarqan.

      Wanushqakunaqa allpamanmi tikrayan, y mananam ni ima rurëtapis puëdiyannatsu (Genesis 3:19).

      Mëtsë nacionpita, imëka costumbriyoq nunakuna

      Llapantsikpis Adanpita y Ëvapitam yurirquntsik. Tsëmi noqantsikpis wanuntsik. Wanushqakunaqa manam rikëta, wiyëta ni ima rurëtapis puëdiyannatsu (Eclesiastes 9:5, 10).

      Juk shipash wanuriptinmi familiankuna waqëkäyan

      Teyta Jehoväqa manam nunakuna wanuyänanta munarqantsu. Ichikllanam pishin wanushqakunata kawaritsimunampaq. Jehoväta wiyakurninqa, manam ni imëpis wanuyanqanatsu. Awmi, mana wanurnam kawakuyanqa.