Teyta Diosqa mañakunqantsikta wiyanmi (1 Pëdru 3:12).

Jehoväqa mañakunqantsikta wiyanmi (Salmus 65:2). Pëqa imanö këkanqantsikta willanatam munan.

Teyta Jehovällamanmi mañakunëki.

Imëkapaqmi Teyta Diostaqa mañakuyta puëdintsik (1 Juan 5:14).

Ciëluchönö kë Patsachöpis Diospa voluntänin rurakänampaq mañakuy.

Jesuspa jutinchö mañakuy. Tsënömi rikätsikunki qamrëkur wanunqampita agradecikunqëkita.

Alli kaqta ruranëkipaq, trabäjuta tarinëkipaq, mëchö täränëkipaq, röpëki kanampaq y mikuyniki mana faltanampaq Jehoväta mañakuy. Qeshyëkaqkunatapis yanapëkunampaq mañakuy.

Kuyakoq karqa familiakuna kushishqam kawakuyan (Efesius 5:33).

Diosnintsikqa mandakun casakurqa ollquwan warmi casakuyänampaqmi.

Casädu ollquqa kuyëpa y shumaqmi warminta tratanan.

Casäda warmiqa qowantam o runantam yanapanan.

Wamrakunaqa papäninkunatam cäsukuyänan.

Ollqukunaqa manam warminkunata mana alli tratayanmantsu y manam jukwanqa oqllanakunmantsu (Colosensis 3:5, 8-10).

Bibliachöqa nin, ollqukunaqa kikinkunata kuyakuyanqannö warminkunata kuyayänampaqmi. Tsënöllam casäda warmipis, qowanta o runanta alläpa respetanan.

Casädu nunapa y warmipaqa jukllëllam majan kanan. Casakunqan ollqullawanmi o warmillawami oqllanakunan.

Diospa Palabranmi familiakunata yanapan kushishqa kawakuyänampaq.