Teyta Dios chikinqankunataqa ama rurëtsu (1 Corintius 6:9, 10).

Teyta Diosta kuyarqa chikinqanta manam rurashuntsu.

Pëqa manam munantsu suwakunata, machäkunata ni drögakunata utilizänata.

Teyta Diosqa chikinmi wamrankunata shulloqkunata, ollqupura o warmipura oqllanakoqkunata, y wanutsikoqkunata. Y manam munantsu qellëta kuyanata ni maqakoq kanata.

Manam santukunata adorashwantsu, ni brujerïakunata rurashwantsu.

Tsëkunata ruraq nunakunaqa manam Shumaq Patsachö täräyanqatsu.

Nuna mayintsikpaq alli kaqta rurashun (Mateu 7:12).

Jehoväqa kushikunmi pënö kanapaq kallpachakushqaqa.

Nuna mayikikunawanqa alli y qarakoqmi kanëki. Tsënömi rikätsikunki kuyakoq kanqëkita.

Ama pitapis engañëtsu.

Nuna mayikita perdonë.

Teyta Diospita nuna mayikikunata parlapë (Isaïas 43:10).

Teyta Diosta sirwinëkipaq churakë (1 Pëdru 5:6-9).

Valientim kanantsik y Bibliachö yachatsikunqampa contran costumbrikunatam dejanantsik.

Ama polïtica asuntukunaman mëtikuytsu. Jehoväta y Gobiernunllatam yanapanantsik.

Teyta Diosta wiyakuyqa imapitapis mas allim (Mateu 7:24, 25).

Jehoväpa testïgunkuna juntakäyanqan reunionkunaman ëwë. Pëkunam Diosta reqinëkipaq yanapayäshunki.

Diospita yachakur sïgui y mandakunqanta cäsukuy.

Jehoväman mas markäkurqa o yärakurqa Pëta sirwinëkipaq änikuy y bautizakuy (Mateu 28:19).

Teyta Diosta wiyakuy. Bibliata leyi, y mas yachakunëkipaq Jehoväpa testïgunkunata yanapayäshunëkipaq niri. Yachakunqëkinö kawakurqa manana wanurmi kawakunki (Salmus 37:29).