¿Imatataq Dios noqantsikpaq munan?

Diosqa munan shumaq huertachö imëyaqpis alli y kushishqa kawanatam.

Peru, “¿imanötaq tsëqa kanman?” nir quizä pensankiman. Diospa Gobiernun tsëta cumplimunampaq kaqtam Bibliaqa yachatsikun. Kamakoq Diosnintsikqa munan tsë Gobiernumpita y munëninta pï më musyayänantam (Salmu 37:11, 29; Isaïas 9:7).

Diosqa alli kawakunatam munan.

Juk kuyakoq teyta wamrankuna alli kayänanta munaqnömi, ciëluchö Teytantsikqa imëyaqpis kushishqa kawakunata munan (Isaïas 48:17, 18). “Diospa muneninta ruraq nunaqa wiñepam [mana wanïpam] cawanqa” nirmi änikushqa (1 Juan 2:17).

Pëpita yachakunatam Diosqa munan.

Kamakoq Yayantsikqa ‘näninkunata reqinatam’ munan, tsënöpa ‘imëpis nänimpa purinapaq’ (Isaïas 2:2, 3). Pëqa entëru Patsapa munënimpita musyatsikuyänampaqmi ‘sirweqnin’ markata churashqa (Hëchus 15:14).

Jukllëllanö adoranatam Diosqa munan.

Rasumpa kaq religionchöqa kuyanakuyanmi, manam chikinakuyantsu (Juan 13:35). ¿Pikunataq më tsë nacionchö llapankunata yachëkätsiyan Diosta jukllëllanö sirwiyänampaq? Kë follëtuchömi kë tapukïpa respuestanta yachakurinki.