Shonqupita patsë kuyakushun

1. Shonquntsikpita patsëmi

Kuyakïnintsikqa kanan.

Diosta adoraqtanäqa

Kuyatsimantsikmi.

Tukïnöpam kuyakïta

Pï mëtapis rikätsishun.

Jehová Diosnö kuyakurmi

Rikätsikïkäshun

Kuyakïnintsiktaqa

Alli rurëwan, parlakïwan.

Yanapanakurninmi

Alli rikätsikushun.

Respetakoqmi kanantsik,

Shumaqmi parlakunantsik.

Wasankuna rimashuntsu.

Ima pasakunqampis

Ama rakimäshuntsu.

2. Rasumpa kuyakurninqa,

Manam ras piñakushuntsu.

Y cristiano mayintsikman

Markäkïkäshunmi.

Shonquntsikpita patsëmi

Imëpis kuyanakushun.

Kushi kushi kanapaqmi

Reunionman ëwantsik.

Parlakïnintsikwanmi

Höraqa piñatsinakuntsik.

Jehoväta kuyaqtaqa,

Alläpam kuyanantsik.

Imëpis kuyakurninqa,

Rasumpa amïgom kashun,

Y tsënöpam reqimäshun.

Shutinta alabashun

Diosnö kuyakoq karmi.