ÖRUTANÖ BIBLIACHÖ ASHINAPAQ | LÜCAS 8, 9
¿Imataraq rurashwan Jesusta qatinapaqqa?
Juk nuna surcuta derëchu rurëta munarqa, manam qepaman rikaräkunmantsu, tsëta ruraptinqa surcunmi wiksu yarqunqa. Tsënöllam cristiänukunapis, qepaman rikaräkoq cuentaqa imëkata jaqinqantsikkunaman yarparäkushwantsu (Flp 3:13).
Problëmakunapa pasarqa, itsa raslla pensarishwan Jehoväta manaraq reqir unë imanö kawakunqantsikman. Tsënö pensarqa, unë witsan mas alli kawakunqantsikta y kananqa tsënö manana kanqantam pensarishwan. Tsënömi israelïtakunapis Egiptupita yarqurir pensar qallëkuyarqan (Nü 11:5, 6). Unë imanö kawakunqantsikllaman yarparäkurqa, itsapis unë kawënintsikman yapë kutita munarishwan. Tsëmi kanan chaskinqantsik bendicionkunaman y Diospa Gobiernun kë Patsata gobernamuptin ima bendicionkunata chaskinantsikpaq kaqman yarpänantsik (2Co 4:16-18).