73 KAQ CANCION
Kallpata qolläyämë
1. Alli willakïkunata
yachatsikur purishqam,
chikimaqnintsik kaqkuna
michäkïta tïrayan.
Ama mantsakäshuntsu,
yachatsikur sïguikäshun.
Diosnintsikmi yanapamäshun,
alli tsarakoq kanapaq.
(CÖRU)
Jehovä Dios rogakulläyaq
kallpata qolläyämë.
Alli tsarakuyänäpaq
yanapëkalläyämë.
Qamta sirwishoqnikillam
salvakïtaqa puëdinqa.
Qammanmi mañakayämü
Dioslläkuna.
2. Qammi Teyta rikëkanki
llakikïnïkunata;
tsëmi wanalläyä qampa
yanapakïnïkita.
Qamtam rogakulläyaq,
kallpäkuna qoykayämë.
Yachatsikur sïguiyänäpaq
yanapëkayämë Teyta.
(CÖRU)
Jehovä Dios rogakulläyaq
kallpata qolläyämë.
Alli tsarakuyänäpaq
yanapëkalläyämë.
Qamta sirwishoqnikillam
salvakïtaqa puëdinqa.
Qammanmi mañakayämü
Dioslläkuna.
(Kë textukunatapis rikäri: 1 Tes. 2:2; Heb. 10:35).