1 KAQ YACHATSIKÏ

Shumaq yachatsikur qallanapaq

Hëchus 17:22

KËPAQMI PARLAN: Wiyakïta munayänampaqmi shumaq yachatsikur qallanëki, jinamampis rikätsikunëkim imapita yachatsikunëkipaq kaqta y yachatsikunqëkita wiyayänan imanir precisanqantapis.

¿IMANÖTAQ RURASHWAN?

Wiyakïta munayänampaqnö. Juk tapukïta, imallapis pasakunqampita, noticiakunapita o wiyëta munayanqan kaqkunapita willakuri.

Puntallapitanam alli pensanëki imapaq yarpachakuyanqanta o imata musyëta munayanqanta. Tsëpitanam, imanö yachatsikur qallanëkipaq kaqta rikänëki.
Imapita yachatsikunëkipaq kaqta rikätsikï. Imapita parlanëkipaq kaqta y wiyakuyänan imanir precisanqanta rikätsikurmi yachatsikur qallanëki.
Wakinkunata imanö yanapanampaq kaqta rikätsikï. Yachatsikunqëkita wiyaq kaqkunaman pensëkurninmi yachatsikunëki. Pëkunaqa musyayänanmi yachatsikunqëki imanö yanapanampaq kaqta.

Discursïkita preparakunqëki höra kënö tapukï: “¿Imakunapataq congregacionnïchö pasëkäyan?”. Imakunapa pasëkäyanqanta cuentaman churëkurmi, imanö yachatsikur qallanëkipaq kaqta pensanëki.