63 KAQ CANCION
Jehoväpa testïgunmi kantsik
1. Kanan tiempuqa tukï
dioskunatam sirwiyan.
Nuna rurashqanllam
diosninkunaqa.
Tsë dioskunaqa manam
imapaqpis välintsu.
¿Pitaq rikätsikïta puëdin
pëkuna dios kayanqanta?
(CÖRU)
Kushishqam sientikuntsik
Jehoväpa testïgun kar.
Llapan änikunqantam Diosqa
mana pantashpa cumplin.
2. Kushishqam Jehoväpita
yachatsikur purintsik.
Mana mantsakushpam
yachatsikuntsik.
Rasumpa kaqkunata
yachakurmi, mëtsikaq
Jehoväta kushishqa sirwiyan
y noqantsikwan cantayan.
(CÖRU)
Kushishqam sientikuntsik
Jehoväpa testïgun kar.
Llapan änikunqantam Diosqa
mana pantashpa cumplin.
3. Yanapakushun Diospa
jutinta yachatsikur.
Jutsachö këkaqtam
atikanantsik.
Jehovä Diosman kuteqqa
perdonnintam tarinqa.
Tsëta rurarninmi, kushishqa
kawakïtaqa puëdishun.
(CÖRU)
Kushishqam sientikuntsik
Jehoväpa testïgun kar.
Llapan änikunqantam Diosqa
mana pantashpa cumplin.
(Kë textukunatapis rikäri: Is. 37:19; 55:11; Ezeq. 3:19).