Jehoväwan Jesus yanapamashqam allina kawakushun

¿Ima problëmakunapataq cada junaq pasanki? Itsa teyta karnin, familiëkita manteninëkipaq imëkata ruranki. Itsa japallëkilla wamrëkita wätaptiki qellëta tarinëkiqa fäciltsu. Itsa jövin kaptikiqa escuëlachö qampita burlakuyan. Itsa edäna karnin o qeshyapäkurnin sufrikanki. Rasumpa kaqchöqa llapantsikmi problëmayoq kantsik. Y wakin wawqi panikunanäqa imëka problëmakunaparan pasayan. Peru ichikllachönam llapan problëmakuna ushakärinqa (2Co 4:16-18).

Jehoväqa ima problëmakunapa pasanqantsikta musyanmi. Y alli tsarakurnin pëta sirwinqantsiktapis valoranmi. Tsë ruranqantsikpita pëqa bendicimäshunmi (Jer 29:11, 12). Jesuspis noqantsikpaq yarpachakunmi. Tsëmi Jehovä Diospa voluntäninta ruranqantsikyaq llapan junaqkuna noqantsikwan këkänampaq kaqta nimantsik (Mt 28:20). Shamoq tiempuchö ima bendicionkunata chaskinapaq kaqta musyanqantsikpis, kanan witsan imëka problëmakunapa pasarpis alli tsarakunapaqmi yanapamantsik (Ro 8:19-21).

JATUN SUFRIMIENTU CHÄMUNQANMANNÖ, CRISTUMAN RIKARAR KËKÄSHUN NEQ VIDEUTA RIKÄRIR, KË TAPUKUYKUNATA CONTESTË:

• ¿Imanötan nunakunaqa Diospita rakikäkuriyashqa y imatan tsëpita pasakushqa?

• Dios mandakunqankunata wiyaqkunaqa, ¿imanötan shamoq tiempuchö kawakuyanqa?

• ¿Pikunatan yanapamäshun shamoq tiempuchö kushishqa kawakunapaq?

• ¿Ima bendiciontataq masqa shuyarëkanki?