¿Listunaku këkanki bautizakunëkipaq?
DIOSNINTSIKTA ALLI SIRWINAPAQ
Teyta Diosta sirwinëkipaq churapakë
Jövin, ¿Bibliataku estudiëkanki? ¿Bautizakunëkipaq pensarqunkinaku? Y ¿imanirtan bautizakunkiman? Bautizakur-ran Jehoväpa amïgun këtaqa puëdinki. Y tsëran imëyaqpis kawakuyta puëdinki (Sl 91:1; 1Pë 3:21). Jehovällatana sirwinëkipaq änikunëkipaq y bautizakunëkipaqqa, ¿imatatan rurankiman?
Yachakuykanqëkikunaman mana creirqa, maslla yachakunëkipaq kallpachakuy (Ro 12:2). Imachöpis cambianëkiraq pishinqanta cuentata qokurqa, cambianëkipaq kallpachakuy. Peru Jehoväta kuyarmi tsë cambiukunataqa ruranëki (Pr 27:11; Ef 4:23, 24). Y tsëkunachö Jehovä Dios yanapashunëkipaq mañakuy, pëqa yanapashunkim (1Pë 5:10, 11). Tsë llapankunata ruranqëkiqa kikikipa biennikipaqmi kanqa (Sl 16:11).
BAUTIZAKUYÄNAMPAQ IMAKUNATA RURAYANQAN NEQ VIDEUTA RIKÄRIR, KË TAPUKUYKUNATA CONTESTË:
Bautizakuyänampaqqa, ¿imatatan wakinkuna rurayashqa?
¿Imataraq rurankiman Teyta Diosta änirir pëllatana sirwinëkipaq?
Wakinkunataqa, ¿imatan yanapashqa bautizakuyänampaq?
Sirwita munaqkunata, ¿imanötan Jehoväqa bendicin?
¿Imatan Diosta sirwinapaq änikuy y bautizakuyqa?