Cristiänunö Kawakunapaq y Yachatsikunapaq Reunionchö Yachakunapaq këkunata leyishun
© 2022 Christian Congregation of Jehovah’s Witnesses
ENËRU 2-8
BIBLIAPITA ALLI YACHAKUNAPAQ | 2 RËYES 22, 23
“¿Imanirtan humildi kanantsik?”
w00-S 15/9 pägk. 29, 30
Humildi kaptinmi Josïasta Jehovä yanaparqan
Tempränullam templuta altsaqkunaqa trabajar qallayaq. Josïasqa Jehovätam agradecikun unë tiempu kastankuna templunta ushakätsiyanqanta trabajadorninkuna altsayaptin. Josïasta templuta altsar avancëkäyanqanta willaqmi Safan ëwan, peru makinchömi juk rölluta apan. Tsë rölluchöqa Jehoväpa Leyninmi qellqarëkarqan, y sacerdöti Hilquïasmi tarirqan. “Tsëtaqa Moisesmi qellqashqa karqan” (2 Crönicas 34:12-18). ¡Jehoväpa leyninkunata tariqa alläpa kushikuypaqchi karqan!
Josïasqa tsë rölluchö ninqanta alläpam wiyëta munan. Safan leyinqanmannömi Josïasqa pëpaq y llapan sirweqninkunapaq Jehovä imata mandakunqanta entiendita procuran. Peru israelïtakuna mana alli religionkunapa costumbrinkunata rurar y Dios mandakunqannö mana adorarqa, mana allikunapa pasayänampaq y esclävunö kawayänampaq kaqta tsë rölluchö ninqantam Josïasqa mas wiyan. Jehovä mandakunqanta mana cäsukuyanqanta musyarirmi Josïasqa röpanta rachiskir Hilquïasta, Safanta y wakinkunatam këta mandan: “Kë libruchö qellqarëkaq mandamientukunataqa manam unë kastantsikkuna cäsukuyashqatsu ni cumpliyashqatsu. Tsëmi Jehovä Diosqa noqantsikwampis cölerashqa këkan. Kananqa ëwar noqapaq, llapan nunakunapaq y nacionnintsik Judächö nunakunapaqpis Jehovä Diosta tapuyämuy” (2 Rëyes 22:11-13; 2 Crönicas 34:19-21).
w00-S 15/9 päg. 30 pärr. 2
Humildi kaptinmi Josïasta Jehovä yanaparqan
Josïasqa, Jerusalenchö Diospa willakoqnin Huldä kaqman sirweqninkuna ëwayänampaqmi mandarqan y Huldä ninqanta wiyaskirmi kutiyarqan. Tsëllaraq tariyanqan rölluchö ninqannömi, Diospita rakikashqa sirweqninkuna mana allikunapa pasayänampaq kaqta Huldäqa cläru willakurqan. Peru Josïas Jehoväpa puntanchö mana orgullösu kanqampitam, Jehovä israelïtakunata castigaptin rikänantsu karqan. Y kushishqam wanukunampis karqan y sepultüramanmi apayänan karqan (2 Rëyes 22:14-20; 2 Crönicas 34:22-28).
Imakunata yachakunqantsik
w01-S 15/4 päg. 26 pärrk. 3, 4
Wamra karnin sufrishqa kaqkunaqa, ¿imatatan Josïaspita yachakuyan?
Wamra kanqan witsan mana allikunapa pasëkarpis, Josïasqa Jehovä Dios munanqannömi alli kaqta rurarqan. Y gobernanqan alläpa alli kanqampaq parlarmi Bibliachö kënö nin: “Pëpa puntanman y qepanman gobernantikunaqa manam Josïasnöqa, llapan shonqunkunawan, llapan kawëninkunawan y llapan kallpankunawan Jehovä Dios munanqannö kawayarqantsu. Josïasqa Moises qellqanqan Leychö ninqannöllam llapantapis rurarqan” (2 Rëyes 23:19-25).
Josïas pasanqanqa, wamra kar mana allikunapa pasashqa kaqkunatam yanapan. ¿Imatatan Josïas pasanqampita yachakuntsik? ¿Imatan yanaparqan alli kaqta rurar sïguinampaq?
ENËRU 9-15
BIBLIAPITA ALLI YACHAKUNAPAQ | 2 RËYES 24, 25
“Alli tiempuchö y mana alli tiempuchöpis Diospita yachatsikushun”
w01-S 15/2 päg. 12 pärr. 2
Jehovä juzganan junaqqa këllachönam këkan
2 Diospa willakoqnin Sofonïas willakunqanmi, Judächö llapan melanëpaq rurayanqan adoracionta ushakätsinampaq gobernanti Josïasta yanaparqan. Peru mana alli religionkunata ushakätsinampaq churapakarpis, manam mana alli nunakuna rurayanqanta ushakätsita puëdirqantsu y awilun Manases ‘jutsannaq nunakunata wanutsinqanta y Jerusalen markachö yawarta jichanqampita’ manam pagakuyta puëdirqantsu (2 Rëyes 24:3, 4; 2 Crönicas 34:3). Jehovä juzganan junaqqa ninqannömi cumplikänan karqan.
w07-S 15/3 päg. 11 pärr. 10
Jeremïas librupita yachakunapaq
607 wata witsanchömi, onci watapana Sedequïas gobernëkaptin, Babiloniata gobernaq Nabucodonosorqa dieciöchu killapana Jerusalenpa entërumpa soldädunkunata churashqa karqan. Diecinuëvi watapa Nabucodonosor gobernëkaptinmi, pitsqa kaq killapa qanchis kaq junaqninchö Nebuzaradan Jerusalen markaman charqan. Pëqa karqan Babilonia gobernantipa sirweqnin y soldädukunapa mandaqninmi (2 Rëyes 25:8). Capaz Jerusalenpa amänunchö këkaq campamentumpita chikeqninkunata rikärir imanö ushakätsinampaq kaqta patsätsipakurqan. Kima o kimsa junaq pasariptinmi, pitsqa killapa chunka kaq junaqchö, Jerusalenta ninawan ushakätsirqan (Jeremïas 52:12, 13).
Imakunata yachakunqantsik
w05-S 1/8 päg. 12 pärr. 1
Segundo de los Rëyes librupita yachakunapaq
24:3, 4. Jutsannaq nunakunata Manases wanutsinqampita y Jerusalen markachö yawarta jichanqampitam “Jehovä Diosqa Judä nunakunata perdonarqantsu”. Jutsannaq nunakunapa yawarnintaqa Teyta Dios väleqpaqmi churan, tsëmi confiakunantsik culpannaq nunakunata wanutseqkunata Jehovä ushakätsinampaq kaqman (Salmus 37:9-11; 145:20).
ENËRU 16-22
BIBLIAPITA ALLI YACHAKUNAPAQ | 1 CRÖNICAS 1-3
“Bibliaqa manam cuentu willakoq librutsu”
w09-S 1/9 päg. 14 pärr. 1
Adanwan Ëvaqa: ¿rasumpaku kawayarqan?
Primëru de las Crönicas librupa 1 a 9 kaq capïtulunchö y Lücas librupa 3 kaq capïtulunchömi tarintsik judïukunapa kastankuna pikuna kayanqanta. Tsëchömi cläru willakun cuarenta y öchu, y setenta y cincu kastakuna kayanqanta. Crönicas libruchöqa willakun, Israelchö gobernaqkunapa y sacerdötikunapa kastankuna pikuna kayanqanta. Lücas libruchönam Jesus ima kastapita yurinqanta willakun. Ishkan libruchöpis Salomonpa, Davidpa, Jacobpa, Isaacpa, Abrahanpa y Noëpa jutinkuna yurinqanchömi Adanpa jutimpis yurin. Salomon, David, Jacob, Isaac, Abrahan y Noë rasumpa kawashqa këkäyaptinqa, ¿manatsuraq Adanpis rasumpa kawashqa kanqanta nishwan?
w08-S 1/6 päg. 3 pärr. 4
Noëpaq y alläpa tamyanqampaq Bibliachö parlanqanqa, ¿rasumpaku pasakurqan o cuentullaku karqan?
Noë rasumpa kawanqantaqa musyantsik, kastankunapa jutinkuna Bibliachö ishkë kuti yuriptinmi (1 Crönicas 1:4; Lücas 3:36). Tsëtaqa, ¿pikunatan qellqayarqan? Esdras y Lücasmi. Pëkunaqa puntataqa alliran musyapakuyarqan tsëta qellqayänampaq. Lücasmi Jesuspa kastankuna Noëpita pikuna kayanqanta qellqarqan.
w09-S 1/9 päg.14, pärr 6
Adanwan Ëvaqa: ¿rasumpaku kawayarqan?
Jesus vïdanta entreganqanqa Diosman creikoqkunapaqqa alläpam välin. Bibliachöqa ninmi nunakunata jutsapita salvanampaq Jesus vïdanta entreganqanta (Mateu 20:28; Juan 3:16). Musyanqantsiknöpis, juk nunata o imatapis apakurnin libri dejayänampaq qellëta mañakuyaptinqa, pipis pagakuptinran libri dejayan. Tsë cuentallam Bibliachö Jesuspaq kënö nin: ‘Jutsapita libri kanantsikpaq pagakunqanta’ (1 Timoteu 2:6). Kënöpis ninmi: “Adanrëkur llapankuna wanuykäyanqannöllam, Cristurëkurpis llapankuna kawariyämunqa” (1 Corintius 15:22). Adanqa jutsannaq vïdantam mana cäsukur Eden huertachö oqrarqan, tsëmi Jesusqa jutsannaq vïdanta cäsukoq nunakunata salvanampaq entregarqan (Romänus 5:12). Adan rasumpa mana kawashqa kaptinqa Jesus wanunqanqa manam imapaqpis välinmantsu karqan.
Imakunata yachakunqantsik
it-1-S päg. 1005 pärrk. 1, 2
Ima kastapita kayanqan
Warmikunapa jutinkuna. Höraqa warmikunapa jutinkunata churayaq ima kastapita kayanqanta musyayänampaqmi. Genesis 11:29, 30 textuchömi Abrahanpa warmin Saraipa (Särapa) jutin yurin. Jesusqa pëpa wamrampita shamoq kastakunapitam yurinan karqan y manam Abrahanpa juk kaq warminkunapitatsu. Tsënöllam Bibliachöqa Milcäpa jutimpis yurin. Pëqa Abrahanpa unë kastan y Isaacpaq warmin Rebëcapa awilanmi karqan. Tsëmi rikätsikun Rebëcapis Abrahanpa unë kastankunapita kanqanta. Tsëmi Isaac Rebëcawan casakurqa juk nacion warmiwantsu casakuykarqan (Ge 22:20-23; 24:2-4). Genesis 25:1 textuchömi Abrahanpa juknin kaq warmimpa jutimpis yurin, pëqa karqan Queturämi. Tsëmi rikätsikun warmin Sära wanuskiptinraq tsë warmiwan casakunqanta. Awkinna këkaptimpis jövin kanqan tiempuchönö wamrayoq kanampaq Jehovä milagruta rurashqa kaptinmi, Särawan wamran kanqampita cuarenta wata masna pasashqa kaptimpis wamrayoq këta puëdirqanraq (Ro 4:19; Ge 24:67; 25:20). Këmi rikätsikun Madian nunakuna y ärabe kasta nunakunawan israelïtakuna reqinakuyanqanta.
Tsënöllam Jacobpa warminkunapa jutinkunapis yurin, pëkunaqa kayarqan Lëa, Raquel, Bilhä y Zilpämi. Y pëkunawan wamrankuna kanqantapis willakunmi (Ge 35:21-26). Tsëmi, Teyta Dios Jacobpa tsurinkunata imanö tratanqanta entiendinapaq yanapamantsik. Tsënö cäsuchömi juk warmikunapa jutinkunapis Bibliachö yurin. Y juk warmipa herencianta wamrankuna chaskiyaptinqa tsë warmipa jutinmi yureq (Nü 26:33). Tamarpa, Rahabpa y Rutpa jutinkunapis Bibliachöqa yurinmi. ¿Imanir? Pëkunaqa Diospa Akrashqan, Jesucristupa unë kastankuna këmanmi chäyarqan (Ge 38; Rut 1:3-5; 4:13-15; Mt 1:1-5). Wakin warmikuna ima kastapita kayanqampis 1 Crönicas 2:35, 48, 49; 3:1-3, 5 textukunachömi yurin.
ENËRU 23-29
BIBLIAPITA ALLI YACHAKUNAPAQ | 1 CRÖNICAS 4-6
“¿Imatatan rikätsikun Diosman mañakunqantsikqa?”
w10-S 1/10 päg. 23 pärrk. 3-7
‘Teyta Diosqa mañakunqantsikta wiyanmi’
Jabez nunaqa Diosmanmi imëpis mañakoq, y mañakunqankunaqa Diosman alläpa confiakunqantam rikätsikoq. Rikärishun imakunata mañakunqanta.
Puntataqa, Jabezqa Teyta Diosta mañakurqan markanta mas jatunyätsinampaqmi (versïculu 10). Respetashqa nuna karmi jukkunapa chakrankunata munapaqtsu. Tsëmi mañakunqanchöqa chakrakunapaqtsu parlëkarqan, sinöqa nunakunapaqmi. Capaz tsënöqa mañakurqan, Teyta Diosta mas nunakuna sirwiyänanta munar.
Ishkë kaqchöqa, Jabezqa mañakurqan poderninwan Jehovä yanapëkunampaqmi. Jehoväpa podernimpaq parlarqa, sirweqninkunata poderninwan imanö yanapanqampaqmi parlëkan (1 Crönicas 29:12). Rurëta munanqan rurakänampaqpis Jabezqa Jehovä Diosmanmi mañakurqan. Y musyarqanmi pëman confiakoq kaqkunata Jehovä poderninwan yanapanqanta (Isaïas 59:1).
Usharinampaqnam Jabezqa kënö mañakurqan: “¡Ima mana allipis mana pasamänampaq yanapëkallämë y ama dejëkamëtsu!”. “Ama dejëkamëtsu” nirqa manam mana allikunapita Jehovä libranampaqtsu nikarqan, sinöqa mana allikunaman mana ishkinampaqmi mañakuykarqan.
Jabez mañakunqanqa rikätsikun, Jehovällata sirwita munanqanta y mañakunqanta Jehovä wiyanqanman confiakunqantam. Peru ¿Jehoväqa mañakunqanta wiyarqanku? Awmi, mañakunqannöllam “Teyta Diosqa bendicirqan”.
Imakunata yachakunqantsik
w05-S 1/10 päg. 9 pärr. 7
Primëru de las Crönicas librupita yachakunapaq
5: 10, 18-22. Jordan mayupita inti o rupay yarqamunan läduchö täraq kastakunaqa, Saul gobernanqan witsanmi hagrïta nunakunata guërrachö venciyarqan, pëkunapitapis mas këkäyaptinmi venciyarqan. Jehoväman mañakurnin y pëman confiakurninmi tsë guërrachö venciyarqan. Tsënölla noqantsikpis nuna mayintsikwantsu pelyar këkantsik, sinöqa mana alli espïritukunawanmi, tsëmi llapan shonquntsikwan Jehoväman confiakunantsik (Efesius 6:10-17).
30 DE ENËRUPITA 5 DE FEBRËRUYAQ
BIBLIAPITA ALLI YACHAKUNAPAQ | 1 CRÖNICAS 7-9
“Jehovämi yanapashunki imachöpis yanapakunëkipaq”
w05-S 1/10 päg. 9 pärr. 8
Primëru de las Crönicas librupita yachakunapaq
9:26, 27. Punkuchö täpakoq levïtakunaqa confiakuypaq nunakunam kayarqan, tsëmi Diospa carpa wayinchö väleq cösaskuna churaränan cuartukunapa llävinkunata katsiyaq. Y llävita katsirmi cada junaq tempränulla punkuta kichayaq. Tsënöllam noqantsiktapis nunakunata Diosta sirwiyänampaq yachatsinapaq mandamashqantsik. ¿Tsëqa manatsuraq täpakoq levïtakunanölla Dios mandamanqantsik carguta cumplishwan?
w11-S 15/9 päg. 32 pärr. 7
Mana allikuna pasakuptin, ¿Finehasnötsuraq ruranki?
Unë tiempuqa, Finehasmi israelïtakunata yanaparqan. Y tsëta cumplinampaq mana allikuna pasakuptimpis valienti, yachaq y Jehovämanmi confiakurqan. Tsënö ruranqampitam Jehoväqa kuyarqan. Mil watakuna pasariptinmi Esdras kënö nir qellqarqan: “Unë witsanqa Eleazarpa tsurin Finehasmi mandaqninkuna karqan. Pëtaqa Teyta Jehovämi llapanchöpis yanapaq” (1 Cr. 9:20). Kanan witsan congregacionchö anciänukunapaq, siervu ministerialkunapaq y wakin wawqi panikunapis tsënölla niyätsun.
Imakunata yachakunqantsik
Cantarnin Jehoväta kushitsishun
6 Awmi, profëtankunawanmi kikin Jehová willatsikurqan cantokunawan alabayänampaq. Cantaq kaq levïtakunataqa wakin rurëkunapitam horqariyaq, tsënöpa cantokunata qellqayänampaq tiemponkuna kanampaq, y kutin kutin shumaq cantëta yachakuyänampaq (1 Cró. 9:33).
FEBRËRU 6-12
BIBLIAPITA ALLI YACHAKUNAPAQ | 1 CRÖNICAS 10-12
“Jehoväta imëpis cäsukunëkipaq kallpachakuy”
w12 15/11 päg. 6 pärrk. 12, 13
“Munëniki rurëta yachatsimë”
12 Davidpitaqa, Ley imata yachatsikunqanta entiendinqampita y ninqannö kawëta munanqampitam alleq yachakushwan. “Belenchö këkaq pözopita yakuta upïta” pasëpa munariptin ima pasakunqanta yachakurishun. Tröpampita kimaq nunankunam, Filisteo tröpakuna këkäyaptin, kawëninkunata peligroman churar yakuman ëwayarqan y apapayämurqan. Pero “Davidqa manam tsë yakuta upurqantsu sinöqa Jehoväpaqmi patsaman jicharirqan”. ¿Imanirtaq tsëta rurarqan? Kikinmi kënö nirqan: “¡Noqaqa Diosnïrëkur manam këta rurëkömantsu! ¿Kë nunakunapa yawarnintatsuraq upüman kawëninkunata peligroman churar apayämunqanta? Porque almankunata peligroman churarmi apayämushqa” (1 Crón. 11:15-19).
13 Ley ninqanta alleq reqirmi, Davidqa yawarta upï mana alli kanqanta musyarqan, tsëpa rantinqa Jehoväpaqmi patsaman jichariyänan karqan. ‘Ëtsapa alman o kawëninqa yawarchö këkanqanta’ Ley yachatsikuptinmi musyarqan imanir tsëta ruranampaq kaqta. Pero upunampaq kaqqa manam yawartsu karqan, sinöqa yakum. Tsëqa, ¿imanirtaq upïta munarqantsu? Porque alleqmi entiendirqan Ley imata mandakïkanqanta: Jehoväqa yawarta alläpa sagrädotam rikan. Kiman nunankuna kawëninkunata peligroman churarnin apayämushqa kaptinmi, tsë yakuqa imëka yawar cuenta sagrado karqan, tsëmi tsë yakuta upïqa kiman nunakunapa yawarninta mana kaqqa churë cuenta kanman karqan. Tsëmi upurqantsu. Entiendirqanmi patsaman jichashqa kanampaq kaqta (Lev. 17:11; Deut. 12:23, 24).
¿Imanötaq concienciantsikta alleq yachatsishwan?
5 Diosnintsikpa leyninkuna yanapamänapaqqa manam leyinantsikllatsu ni musyanantsikllatsu, sinöqa kuyanantsik y respetanantsikmi. Diospa Palabranmi nimantsik mana alli rurëkunata chikinapaq, y alli kaqkunata kuyanapaq (Amos 5:15). Këta maslla entiendirinapaq këman pensarishun, atska tiempupana punïta mana puëdirnin doctorman ëwashwan, y pëna niramashwan imakunata mikunapaq o mana mikunapaq kaqta, ejerciciuta ruranapaq y mana alli rurëkunata jaqinapaq. Y nimanqantsikta rurarnin allina sientikurqa, ¿manatsuraq tsë doctorta y consëjukunata mas valorashwan?
6 Jina tsënömi Jehoväpis jutsa rurëkunaman mana ishkinapaq leykunata qomarquntsik, tsënöpam mana allikunata ruranqantsikpita sufrintsiktsu. ¿Manaku mas kushishqa kawakuntsik, mana engañakurnin, mana suwakurnin, jukwan jukwan mana kakurnin, geniuntsikta alli dominarnin y brujerïa cösaskunaman mana mëtikurnin? (leyi Proverbius 6:16-19; Rev. 21:8). Biblia nimanqantsikta wiyakunqantsikrëkur mas alli kawakurqa, masmi Jehoväta y leyninkunata kuyantsik.
Imakunata yachakunqantsik
it-1-S päg. 551 pärrk. 5, 6
Shonqu
Llapan shonquntsikwan Jehoväta sirwishun. Jehovätaqa llapan shonquntsikwanmi sirwinantsik, peru höraqa Jehoväta sirwikashqapis shonquntsikqa imëka rakikashqa cuentam këkanman. Davidmi Jehoväta kënö mañakurqan: “Llapan shonqüwan jutikita respetanäpaq yanapëkallämë”. Shonquntsik imanö këkanqantaqa musyantsik imata mas puntaman churanqantsikchö o imata mantsanqantsikchömi (Sl 86:11). Juk nuna “janan shonqulla” Diosta sirwirqa, mana munëkarmi imatapis ruranqa (Sl 119:113; Apo 3:16). Manam pipis ishkë patrontaqa sirwita puëdintsu, tsëta rurarqa shonqunchömi engañakuykan (1Cr 12:33; Sl 12:2). Tsënö nunakunatam Jesusqa allish tukoq kayanqanta cläru nirqan (Mt 15:7, 8).
Teyta Diostaqa manam janan shonqulla ni ishkëman rakikashqa shonqunwantsu sirwinantsik, sinöqa llapan shonquntsikwanmi (1Cr 28:9). Nunapa shonqunqa imatapis rasmi o sasmi munarin y jövin kanqampitam mana allillaman yarparan, tsëmi llapan shonquntsikwan Jehoväta sirwinapaq kallpachakunantsik (Jer 17:9, 10; Ge 8:21). Llapan shonquntsikwan Jehoväta sirwinapaqqa këkunam yanapamäshun: mañakunqantsik, Bibliata seguïdu estudianqantsik, Diospita kushishqa yachatsikunqantsik y Jehoväta kuyaqkunawan juntakunqantsik (Sl 119:145; Lam 3:41), (Esd 7:10; Pr 15:28), (rikäri Jer 20:9), (rikäri 2Re 10:15, 16).
FEBRËRU 13-19
BIBLIAPITA ALLI YACHAKUNAPAQ | 1 CRÖNICAS 13-16
“Imanö ruranapaq nimanqantsikta cäsukushqaqa allim yarqun”
w03-S 1/5 päg. 10 pärr. 12
¿Imatapis manaraq rurarqa Jehoväta cuentachöku katsinki?
12 Jehoväpa Sagrädu Cäjantaqa Israelman kutitsishqanam kayarqan y atska watapam Quiryat-Jearim markachö karqan, tsëmi Davidqa Jerusalenman kutitsita munarqan. Davidqa mil soldädukunapa mandaqninkunatam kënö nirqan: ‘Jehovä Dios munaptinqa y qamkuna munayaptikiqa’ apamushun. Peru Jehovä Dios ima ninqantaqa manam alli musyapakurqantsu. Alli musyapakushqa karqa, Sagrädu Cäjata manam carrëtawan apayanmantsu karqan. Jehoväqa clärum mandakushqa karqan Levïpa kastankunapita Cohatpa tsurinkunalla hombrurkur apayänampaq kaqta. Davidqa imatapis manaraq rurarmi Teyta Diosta tapukoq, peru kë kutichöqa manam tsëta rurarqantsu. Tsëmi mana alli pasakurqan. Tsëpitam kikin David kënö nirqan: “Teyta Dios munanqannötsu rurarqantsik, tsëmi qamkuna mana apayämunqëkipita Jehovä Dios llapantsikwan cölerakurqan” (1 Crönicas 13:1-3; 15:11-13; Nümerus 4:4-6, 15; 7:1-9).
w03-S 1/5 päg. 11 pärr. 13
¿Imatapis manaraq rurarqa Jehoväta cuentachöku katsinki?
13 Obed-Edompa wayimpita Jerusalenman Jehoväpa Sagrädu Cäjanta levïtakuna apayaptinmi, David qellqanqan cancionta llapan shonqunkunawan kënö cantayarqan: “Poderösu Jehovä Diosta sirwiyë. Yanapayäshunëkipaq pëta ashiyë. Imëkatapis alläpa shumaqta ruranqanta, milagrukuna ruranqanta y imanö juzganqanta yarpäyë” (1 Crönicas 16:11, 12).
Imakunata yachakunqantsik
Imëkamayaqpis Mandakoq Jehoväta adorashun
14 Davidqa conträtu babultam Jerusalenman aparqan. Tsëta apayaptinmi levïtakunaqa Diosta alabar “nacionkunachö niyë: ‘¡Jehovällam mandakoq këman chashqa!’” nir cantayarqan (1 Crön. 16:31). Itsa kënö tapukushwan: “Jehovä imëkamayaqpis Mandakoq karninqa, ¿imanötaq höra höra Mandakoq këman chan?”. Jehoväqa Mandakoq këman chan, pëpa rantin autoridäyoq kanampaq pitapis churarnin o ima asuntupaqpis jukta encargarninmi. Tsëkunata alleq entiendinanqa alläpam precisan. Manaraq David wanuptinmi Jehoväqa kënö nir awnirqan: “Mirënikipitam shäritsishaq, y gobiernuntaqa allim takyatsishaq” (2 Sam. 7:12, 13). Y tsënömi karqan, waranqa watapitapis mas pasariptinmi Davidpa ‘mirënin’ yuririrqan. ¿Pitaq karqan y imëtaq Mandakoq këman chänan karqan?
FEBRËRU 20-26
BIBLIAPITA ALLI YACHAKUNAPAQ | 1 CRÖNICAS 17-19
“Jehoväta mas sirwita mana puëdirqa ama llakikuytsu”
w06-S 15/7 päg. 19 pärr. 1
Jehoväpa sirweqninkunata dirigeqkuna rurayanqanta rikäshun
Hebreu Idiömachö Qellqayanqan Diospa Palabranchöqa, Davidpaqmi mas parlan. Pëqa mitsikoq, müsicata toquëta yachaq, Diospa willakoqnin y Israelpa gobernaqninmi karqan, y llapan shonqunwanmi Jehoväman confiakurqan. Alläpa kuyarmi Jehoväpaq juk templuta rurëta munarqan. Tsë templuqa Israelchö Teyta Diosta adorayänampaqmi kanan karqan. Llapankunapis kushishqa kayänampaq kaqta musyarmi, Davidqa Jehoväpaq kënö cantarqan: “Patiuykichö kawanampaq akranqëki nunaqa, kushishqam kawakun. Wayikichö, sagrädu templuykichö, imëka allikunata chaskiyanqäpitam kushishqa kayä” (Salmus 65:4).
Jehoväpaq rurëta puëdinqantsikpita kushikushun
11 Tsënöllam noqantsikpis, Jehoväta sirwinqantsik rurënintsikkunachö puëdinqantsikmannö kallpachakushqaqa mas kushishqa kashun. Llapan puëdinqantsikmannö Diospita yachatsikushun y congregacionchö yanapakushun (Hëch. 18:5; Heb. 10:24, 25). Reunionkunachö parlakunqantsikwan wakinkunata yanapanapaq alli preparakushun. Semänachö kaq reunionnintsikchö imallachöpis yanapakunapaq nimashqaqa, alli alistakushun. Congregacionchö ima trabäjuta ruranapaqpis nimashqaqa, tempränu chäshun y confiakuypaq kashun. Ama ima trabäjutapis pöcu cäsupaq churashuntsu. Imatapis mas alli ruranapaq kallpachakushun (Prov. 22:29). Imëka rurëyoq kashqa y chaskinqantsik carguta alli cumplinapaq kallpachakushqaqa, masmi yachakushun y kushishqam kashun (Gäl. 6:4). Y chaskita munanqantsik carguta jukkuna chaskiyaptimpis, mas fäcilmi kanqa pëkunawan kushikunantsikpaq (Rom. 12:15; Gäl. 5:26).
Imakunata yachakunqantsik
w20.02 päg. 12, recuadru
Teytantsik Jehoväta kuyashun
“¿Jehoväqa kuyamantsuraq?”
Imëllapis kënö pensarquntsikku: “Mëtsika waranqa nunakuna këkaptinqa, ¿Teyta Dios noqaman yarpantsuraq?”. Manam noqantsikllatsu tsënö pensarquntsik, Diospa unë sirweqnin Davidpis kënömi nirqan: “TEYTA DIOS, ¿imëkanataq nunaqa këkun tsënöpa cuidëkunëkipaq? ¿Imataq nunaqa këkan alläpa pëpaq yarpakachänëkipaq?” (Sal. 144:3). Tsënö ninqanwanmi Davidqa següru karqan Jehovä kuyanqanta (1 Crön. 17:16-18). Kanan witsampis, Teytantsik Jehoväqa Palabranwan y markanwanmi kuyakoq kanqanta rikätsimantsik. Y Jehovä kuyakoq kanqanta mas següru kanapaqqa, Palabran Bibliachö ninqankunata rikärishun:
• Manaraq yurishqam Jehoväqa reqimarqantsikna (Sal. 139:16).
• Teytantsik Jehoväqa musyanmi shonquntsik munanqanta (1 Crön. 28:9).
• Jehoväqa mañakuynintsikta wiyanmi (Sal. 65:2).
• Teytantsik Jehovätaqa llakitsita o kushitsitapis puëdintsikmi (Prov. 27:11).
• Teytantsik Jehovä permitimashqam reqintsik (Juan 6:44).
• Wanurirqa ushakärintsikmi, peru Jehovä kawaritsimashqaqa, pensënintsik y imanö kënintsikpis kaqllam kanqa (Juan 11:21-26, 39-44; Hëch. 24:15).
27 DE FEBRËRUPITA 5 DE MARZUYAQ
BIBLIAPITA ALLI YACHAKUNAPAQ | 1 CRÖNICAS 20-22
“Jehoväta kushishqa sirwiyänampaq jövinkunata yanapayë”
“Markäkïpaq nunakunata yachatsi”
8 (Leyi 1 Crönicas 22:5). Davidqa pensanmanmi karqan tsë precisaq rurëta Salomonqa rurëta mana puëdinampaq kaqta. Templuqa alläpa shumaq y jatun wayi kanantam Davidqa munarqan, peru Salomonqa alläpa jövinllaran y mana yachaqllaran karqan. Tsënö kaptimpis, Davidqa musyarqanmi tsë precisaq rurëta ruranampaq Salomonta Jehovä yanapanampaq kaqta. Tsëmi, templuta tsurin ruranampaq llapan puëdinqanmannö yanapakurqan.
“Markäkïpaq nunakunata yachatsi”
7 Jehoväpaq templuta rurëta munashqa karqa, itsa Davidqa llakishqa sientikurqan rurëta mana puëdinampaq kaqta musyarir. Tsënö kaptimpis, tsurin Salomon ruranampaqmi llapanchö yanapakurqan. Trabajadorkunatam dispunirqan, y qeruta, hiërruta, cobrita, plätata y örutam ashirqan. Davidqa manam yarpachakurqantsu templuta ruranqampita pï alabashqa kanampaq kaqta (tiempuwanqa tsë templuqa Salomonpa templun nirmi reqishqa karqan). Tsëpa rantinqa, tsurintam kallpata qorqan kënö nirnin: “Kananqa kuyashqa tsurillä, qamwan Jehovä këkullätsun, Jehovä Diospa wayinta ruranqëkichö alli yarqupukunëkipaq, pë qampaq parlanqannölla” (1 Crönicas 22:11, 14-16).
w18.03 pägk. 11, 12 pärrk. 14, 15
Teytakuna, wamrëkikunata yanapayë bautizakuyänampaq
14 Anciänukunaqa, Diospa markanchö rurëkunapita wamrakunata parlaparninmi teytakunataqa yanapëta puëdiyan. Juk panim willakun joqta watayoq këkaptin, 15 minütukunapa wawqi Rüssell Diospa markanchö imanö yanapakunampaq kaqpita shumaq parlapärinqanta. Kë paniqa 70 watakunapitapis masmi precursöra karqan. Këmi rikätsimantsik pitapis shumaq parlapärinqantsikqa alläpa yanapakunqanta (Prov. 25:11). Jina anciänukunaqa teytakunatam wamrankunatawan niyanman salonchö rurëkunachö yanapakuyänampaq, y wamrakunatanam ima rurëmampis churayanman puëdiyanqanmannö yanapakuyänampaq.
15 Y mana anciänu kaqkunaqa, ¿imanötaq yanapakushwan? Imata rurayanqantapis cuentachö katsirninmi. Itsa reunionchö shumaq parlakarayämushqa, discursayämushqa, ima tentacionchöpis alli tsarakuyashqa, o escuëlachö Diospita shumaq yachatsikuyashqa. Tsëkunatam alkäbu këkänantsik felicitärinapaq. Reunion manaraq qallaptin o ushariptin jövinkunawan parlakurinapaqmi tiemputa rakinantsik. Tsënö ruranqantsikmi yanapanqa Diospa markanchö këkäyanqanta imëpis cuentachö katsiyänampaq (Sal. 35:18).
Imakunata yachakunqantsik
w05-S 1/10 päg. 11 pärr. 6
Primëru de las Crönicas librupita yachakunapaq
21:13-15. Teyta Diosqa israelïtakunata llakiparmi angelninta mandarqan manana wanutsinampaq. Awmi, ‘Jehovä Diosqa alläpa llakipäkoqmi’.