Jehoväpa Palabranqa alläpam yanapakun

1. Jehoväqa santu espïritunwanmi,

sirweqninkunata yanaparqan

Palabran Bibliata qellqayänampaq;

tsë qarëpitam “gracias” nillantsik.

Yachatsikïninqa yanapamantsik

kushishqana kawanantsikpaqmi.

Bibliaqa Jehovä Diospa Palabranmi,

pëmi qarëtanö qomarquntsik.

2. Bibliaqa yachatsimantsik Jehovä Dios

Patsata imanö ruranqantam.

Yachatsimantsik Jehovä Diospa contran

juk angel churakäkurinqantam.

Jina yachatsikun, Adanwan Ëva

Jehoväta mana cäsuyanqantam.

Tsëmi llapantsik jutsa ruraq kantsik,

peru Jehovämi libraramäshun.

3. Kanan tiempuqa kushikïpaq tiempum;

Jesusnam gobernar qallëkushqa.

Tsëmi më tsë markachö willakuntsik

Diospa bendicionninkunapita.

Bibliata leyirninmi, yachakuntsik

Diospa änikïninkunapita.

Biblia ninqankunata wiyakurqa,

kushishqa kawakïtam puëdintsik.