Chikimarnintsik sufritsimashqa
¿Imanirtan Jehoväta adoraqkunaqa musyayan nunakuna chikiyänampaq y sufritsiyänampaq kaqta?
¿Imanirtan chikimarnintsik sufritsimashqa Jehoväman mañakunantsik?
Sl 55:22; 2Co 12:9, 10; 2Ti 4:16-18; Heb 13:6
Bibliachö willakunqan:
1Rë 19:1-18. Wanutsita munayaptinmi Elïasqa Jehoväman llapan shonqunwan mañakurqan, y Jehoväqa shumaq y kuyëpam yanaparqan.
Hch 7:9-15. Wawqinkuna chikikäyaptimpis Josëqa mana dejëpam Jehoväta sirwirqan, tsëmi Jehoväqa mana allikunapa pasanqan höra yanaparqan y familianta salvanampaqmi Egiptuchö mandakoq kanampaq permitirqan.
¿Imakunatataq nunakunaqa chikimarnintsik rurayan?
Autoridäkunamanmi apamantsik y carcelatsimantsikmi
Lü 4:28, 29; Hch 14:19; 17:5
Maqamarnintsikmi sufritsimantsik
Mt 27:29, 30; Jn 19:1; Hch 5:40; 16:22, 23; 2Co 11:23-25
Noqantsikpitam burlakuyan y insultamantsikmi
2Cr 36:16; Mt 5:11; Hch 19:9; 1Pë 4:4
Bibliachö willakunqan:
2Rë 18:17-35. Asiriachö gobernaqpa sirweqnin rabsaquëmi Jehoväta insultarqan, y Jerusalenchö nunakunapitam burlakurqan.
Lü 22:63-65; 23:35-37. Jesusta wanutsiyänampaq prësu apayaptin y qeruchö clavarëkaptinmi chikeqninkunaqa imëkata nir insultayarqan y burlakuyarqan.
Wanutsimantsikmi
¿Imatataq rurashwan nunakuna chikimashqapis?
Mt 5:44; Hch 16:25; 1Co 4:12, 13; 1Pë 2:23
Bibliachö willakunqan:
Hch 7:57-8:1. Estëbanqa juk grüpu nunakuna rumiwan tsampiyaptin o saqmayaptin wanunampaqna këkarpis tsë nunakunapaqmi Jehoväta mañakurqan. Tarsupita Saulupis tsëchömi këkarqan.
Hch 16:22-34. Apostol Pabluqa maqar ushëkäyaptin y ishkë tita tablakunawan chakinta amuykätsiyaptimpis shumaqmi carcelta täpaq nunataqa parlaparqan, tsënöpam tsë nunaqa llapan familianwan Jesusman creikuyarqan.
¿Imatan unë cristiänukunata pasarqan?
¿Imanötan sientikuntsik nunakuna chikimashqapis?
Diosnintsik änimanqantsikkunaqa, ¿imanötan yanapamantsik nunakuna sufritsimashqa?
Nunakuna chikimarnintsik sufritsimashqapis, ¿imanirtan penqakuntsiktsu, mantsakuntsiktsu y alläpaqa llakikuntsiktsu?, y ¿imanirtan Jehoväta sirwita dejantsiktsu?
Sl 56:1-4; Hch 4:18-20; 2Ti 1:8, 12
Bibliachö willakunqan:
2Cr 32:1-22. Gobernanti Senaqueribqa mëtsika puëdeq soldädunkunawanmi Jerusalenta ushakätsita munarqan, peru Ezequïasqa Jehovämanmi confiakurqan y marka mayinkunatam Jehoväman confiakur valienti kayänampaq yanaparqan. Tsënö ruranqampitam Jehoväqa salvarqan.
Heb 12:1-3. Mantsakätsita munarmi chikeqninkunaqa Jesusta insultayarqan y imëkata rurayarqan, peru Jesusqa manam dejarqantsu mantsakätsiyänanta.
¿Imanirtan nintsik nunakuna chikimarnintsik sufritsimashqa alli aguantanqantsikqa allipaq kanqanta?
Pruëbakunapa pasar aguantarqa Jehovätam kushitsintsik y jutintam allichö quedatsintsik
Bibliachö willakunqan:
Job 1:6-22; 2:1-10. Jobqa manam musyarqantsu Satanaspa culpanrëkur sufrikanqanta, peru Jehovätaqa manam sirwita dejarqantsu. Tsënömi Jehoväta alabarqan y Satanas uli o llulla kanqanta rikätsikurqan.
Da 1:6, 7; 3:8-30. Sadrac, Mesac y Abednëguqa wanutsiyänan kaptimpis Jehovätam cäsukuyarqan y allim tsarakuyarqan. Tsëta rikarmi gobernanti Nabucodonosorqa llapan nunakunapa puntanchö Jehoväta alabarqan.
Chikimarnintsik sufritsimanqantsikqa mas nunakuna Diospita yachakuyänampaqmi yanapakun
Bibliachö willakunqan:
Hch 11:19-21. Punta cristiänukunaqa chikir sufritsiyaptinmi juk markakunapa qeshpir ëwakuyarqan, y tsë markakunachöqa Diospita alli noticiakunatam willakuyarqan.
Flp 1:12, 13. Apostol Pabluqa carcelchö këkarpis pïmë nunakunata alli noticiakunata willanqampitam alläpa kushikurqan.
Aguantanqantsikqa cristiänu mayintsikkunatam yanapan valienti kayänampaq
¿Imatataq gobiernukuna y religionkunachö dirigeqkuna rurayan Jehoväpa sirweqninkunata chikir sufritsiyänampaq?
Jer 26:11; Mr 3:6; Jn 11:47, 48, 53; Hch 25:1-3
Bibliachö willakunqan:
Hch 19:24-29. Santukunata adorë mana alli kanqantam punta cristiänukuna yachatsikuyarqan, tsëmi pläta metalpita santukunata rurëkur rantikoqkunaqa santunkunata nunakuna manana rantiyänampaq kaqta pensar Diospa sirweqninkunata chikir sufritsiyarqan.
Gäl 1:13, 14. Jesusman manaraq creikurmi apostol Pabluqa judïukunapa religionninta defendirnin Diospa sirweqninkunata imëkata rurar sufritsirqan.