Imapis o pillapis llakitsimashqa
Pipis mana allita ruramanqantsikpita, mana yanapamanqantsikpita o traicionamanqantsikpita alläpa llakikushqa
Bibliachö willakunqan:
1Sa 8:1-6. Israelïtakunaqa juk gobernantinkuna kanampaqmi Diospa willakoqnin Samuelta exigiyarqan, tsëmi Samuelqa alläpa llakikurqan.
1Sa 20:30-34. Jonatantaqa papänin Saulmi alläpa cölerakur imëkata qayaparqan y wanutsitam munarqan, tsëmi Jonatanqa alläpa llakikurqan.
Yanapakoq textukuna:
Yanapamänapaq Bibliachö willakunqan:
Sl 55:12-14, 16-18, 22. Alli amïgun Ahitofel traicionashqa kaptinmi Davidqa alläpa llakikurqan, peru imanö sientikunqanta Jehoväta willarmi consuëluta tarirqan.
2Ti 4:16-18. Apostol Pablutaqa pruëbapa pasëkaptinmi cristiänu mayinkuna japallanta dejariyarqan, peru Jehoväqa manam dejarirqantsu, tsarakunampaqmi yanaparqan.
Mana allita ruranqantsikpita o imachöpis alliyänantsik faltaptin alläpa llakikushqa
Bibliachö willakunqan:
Sl 51:1-5. Davidqa jutsata rurar Jehoväta llakitsinqampitam shonqunchö nanatsikur llakikurqan.
Ro 7:19-24. Apostol Pablupaqqa manam alli kaqkunata rurë fäciltsu karqan, tsëmi alläpa llakikoq.
Yanapakoq textukuna:
Yanapamänapaq Bibliachö willakunqan:
1Rë 9:2-5. David alläpa jutsata rurashqa kaptimpis, Jehoväqa llapan shonqunwan sirwinqantam masqa yarpan.
1Ti 1:12-16. Jehoväta manaraq reqirnin jutsakunata rurashqa karpis, apostol Pabluqa segürum karqan kuyakoq y llakipäkoq Jehovä Dios perdonashqa kanqanta.