Trabäju
¿Trabajanqantsikqa kushishqa kanapaq yanapamashwantsuraq?
Alli trabajador kanapaq kallpachakurqa, ¿imatataq lograshun?
Bibliachö willakunqan:
1Sa 16:16-23. Davidqa jövin kanqampitam arpata alli toquëta yachaq. Arpata shumaq tocapaptinmi Israelchö gobernaq Saulqa llakishqa këkarpis alli sientikoq.
2Cr 2:13, 14. Hiram-Abïqa imëkatam shumaq rurëta yachaq, tsëmi gobernanti Salomonqa templu rurëchö yanapakunampaq qayatsirqan.
¿Jehoväqa sirveqninkuna imanö trabajayänantataq munan?
Bibliachö willakunqan:
Ge 24:10-21. Rebëcaqa alli trabajadöra y comedïdam karqan, tsëmi Abrahanpa sirweqnin yakuta mañakuptin pëta y animalninkunatapis yakuta qararqan.
Flp 2:19-23. Timoteuqa humildi y trabajadormi karqan, tsëmi apostol Pabluqa cristiänukunata watukanampaq mandarqan.
Jehoväta sirweqkunaqa, ¿imanirtan qelaqa kanantsiktsu?
Pr 13:4; 18:9; 21:25, 26; Ec 10:18
Bibliachö willakunqan:
Pr 6:6-11. Hormïgakunanö alli trabajador kanapaqmi gobernanti Salomonqa nirqan.
¿Imanirtan faltapakunqantsikkunapaq alli trabajanantsik?
¿Imanirtan familiantsikta manteninapaq kallpachakunantsik?
Bibliachö willakunqan:
Rut 1:16, 17; 2:2, 3, 6, 7, 17, 18. Shipashllaraq këkar viudayashqa Rutqa suegran Noemïta yanapanampaqmi alli trabajarqan.
Mt 15:4-9. Papäninta y mamäninta yanapëta mana munar Teyta Diosta sirweq tukuyanqan alläpa mana alli kanqantam Jesusqa nirqan.
¿Imatataq rurashwan trabajarnin tarinqantsikkunawan?
¿Allitsuraq kanman masta ganëta munar trabäjullachö kakushqa?
¿Imanötan musyantsik Jehoväqa alli trabajanata munanqanta, y imatapis faltapakushqaqa yanapamänapaq kaqta?
Mt 6:25, 30-32; Lü 11:2, 3; 2Co 9:10
Bibliachö willakunqan:
Ge 31:3-13. Labanqa mashan Jacobpitam alläpa provechakurqan, peru Jehoväqa llapantam rikëkarqan, y alli trabajanqampitam Jacobta bendicirqan.
Ge 39:1-6, 20-23. Potifarpa esclävun kanqan witsan y carcelchö kanqan witsampis Josëtaqa imëka ruranqanchömi Jehoväqa bendicirqan.
¿Imanirtan Diosnintsikta sirwinqantsiktaqa imëka trabäjupitapis mas puntaman churashwan?
Bibliachö willakunqan:
Lü 12:15-21. Juk ejempluwanmi Jesusqa rikätsikurqan Jehoväta alli sirwinapaq rantin riquëzakunata ashiqa upa kë kanqanta.
1Ti 6:17-19. Apostol Pablum rïcukunata nirqan wakinkunapita mas alli kayanqanta mana pensayänampaq, tsëpa rantinqa ‘imëka allikunata rurayänampaqmi’ nirqan.
Trabäjuta ashinëkipaqqa, ¿Bibliachö ima consëjukunaraq yanapashunki?
Ex 20:4; Hch 15:29; Ef 4:28; Ap 21:8. Tsë trabäjuchöqa, ¿imallachöpis Jehovä chikinqankunatatsuraq ruranki?
Ex 21:22-24; Is 2:4; 1Co 6:9, 10; 2Co 7:1. Tsë trabäjuchöqa, ¿Jehoväta mana gustanqan cösaskunamantsuraq mëtikunki o mana allikunata rurayänampaqtsuraq yanapakunki?
Ro 13:1-7; Tït 3:1, 2. Tsë trabäjuchöqa, ¿gobiernu mandakunqan leykunata mana cäsukurtsuraq imatapis ruranki?
2Co 6:14-16; Ap 18:2, 4. Tsë trabäjuchöqa, ¿mana alli religionkunatatsuraq yanapanki?
Jehoväta sirwinqantsikchö ruranqantsikkuna
¿Ima rurëkunatataq Jehoväta sirweqkunaqa mas puntaman churayan?
¿Imanirtaq Jehoväpa kaqtaqa llapan kallpantsikwan rurëta munantsik?
Lü 13:24; Ro 12:11; 1Co 15:58; Heb 6:10-12
Kë textutapis leyi: 1Ti 3:1.
¿Imanötan musyantsik Jehoväqa llapan puëdinqantsikmannö sirwinata munanqanta, peru llapantsik igual ruranantsiktaqa manam shuyaranqanta?
Bibliachö willakunqan:
Mt 25:14, 15. Jesusqa manam shuyararqantsu llapan qateqninkuna igual rurayänanta, tsëtam juk ejempluwan yachatsikurqan.
Lü 21:2-4. Jesusqa alläpam kushikurqan juk waktsalla viuda ichiklla qellëninta winanqanta rikar.
¿Pitan yanapamäshun Jehoväta sirwinqantsikchö carguntsikta cumplinapaq kallpantsik kanampaq?
2Co 4:7; Ef 3:20, 21; Flp 4:13
Bibliachö willakunqan:
2Ti 4:17. Apostol Pabluqa cuentatam qokurqan kallpata y änimuta wananqan hörakuna Jehovä imëpis yanapanqanta.