¿Rasumpatsuraq Dios kawan?
Nunakuna niyanqan:
◼ “Diosqa vientonömi, mëchö tsëchöpis këkanmi.”
◼ “Imanö karpis alläpa musyaqchi, mana käyinapaqnö o mäkuypänö kallpam.”
Jesus nenqankuna:
◼ “Papänï yachanqanchomi atsca wayicuna can.” (Juan 14:2.) Këchö nenqannöpis, Jesus ‘wayi’ nerqa, Diospa huk yachanan sitio kanqampaqmi parlëkan.
◼ “Noqam Dios Yayapa nopanpita yarqamurnin, que patsaman shamorqö. Cananqa quepita eucurmi, Dios Yayaman cuticü.” (Juan 16:28.) Jesusqa creerqan Dios rasumpa kawaq kanqanta y mëchö yachanampis kaponqantam.
DIOSPAQQA, manam mana mäkuypä o käyipaq kallpapaqnötsu Jesus parlarqan. Tsëpa rantenqa, pëwan parlarqanmi y pëman mañakorqanmi. Hina alläpam kuyanakuyarqan, y atska kutim Papänï nerqan (Juan 8:19, 38, 54).
Rasumpis “Diosqa Espiritum” y “manam pipis ni ime Diosta ricashqatsu” (Juan 4:24; 1:18). Tsëpis, cuerponnaqmi ninantsu manam. Biblia nenqannöpis “Kanmi [...] [rikakoq] kwerpu i kanmi espiritwal kwerpu” (1 Corintios 15:44, QKW). Tsëqa, ¿espïritualku Diospa cuerpon?
Awmi. Jesus wanonqampita kawariramorqa “sielucho quecaq quiquin Diospa nopanmanmi yecushqa biennintsic Diosta mañacamunanpaq” ninmi Biblia (Hebreus 9:24). Kë textochömi, ishkë precisaq cösaskunata Diospita musyatsimantsik. Mëchö yachanan kaponqanta. Hina rasumpa kawaq kanqanta, Y mana mäkuypänö o käyipaqnö kallpalla kanqantaqa manam yachatsikuntsu.
Tsënö këkaptenqa, itsa kënö tapukunki, “¿imanötaq mëchö tsëchö këkarpis kallpanta mäkuntsik?” Pëqa më kamayaqpis santo espïritunta o kuyukïkaq kallpanta chätsinmanmi. Imanömi huk teyta wambrankunata yanapan, tsënöllam Diospis santo espïritunwan llapan awnikonqanta ruran (Salmo 104:30; 139:7).
Hinamampis, musyantsikmi Dios imanö kanqanta. Kanmi gustanqankuna y mana gustanqankunapis, llakikunmi y kushikunmi. Bibliaqa nimantsik markanta kuyanqanta, alli rurayanqampita kushikonqanta, ídolo adorëkunata chikenqanta, y mana alli rurëkunata rikar alläpa llakikonqantam (Génesis 6:6; Deuteronomio 16:22; 1 Reyes 10:9; Salmo 104:31). Hina 1 Timoteu 1:11 (NM) textochönam pëpaq ‘kushishqa Dios’ nin. Tsënö kanqanta musyëkarqa, pëta llapan shonquntsikwan kuyananqa Jesus nenqannöpis manam alläpa ajatsu o sasatsu (Marcos 12:30).a
[Päginapa ura kuchunchö willakï]
a Tsëta más yachakunëkipaqqa, Jehoväpa testïgonkuna rurayanqan Rasumpëpaqa, ¿imatataq Biblia yachatsikun? libropa 1 kaq capïtulonchömi tarinki.
[3 kaq päginachö dibüju]
Imanömi huk teyta wambrankunata yanapan, tsënöllam Diospis santo espïritunwan llapan awnikonqanta ruran