¿Noqantsikpaq Dios yarpantsuraq?
Nunakuna niyanqan:
▪ “Diospaqa atska ruranankunam kan, yarparënïkunachö yanapamänampaqqa tiempon kanmanraqku.”
▪ “Noqataqa yarpämanmanraqku.”
Jesus nenqankuna:
▪ “¿Manacu pitsqa pishqupa ishque sentabulla chanin[?] Tseno quecaptinpis, pecunapaqqa Dios imepis yarparëcanmi. Y qamcunapatanäqa llapan aqtsequicunatapis jucllellapayan yupashqam quecatsin. Tseno quecaptenqa, ama imatapis mantsacuyëtsu. Porqui atsca pishqocunapitapis qamcunaqa masmi baliyanqui.” (Lucas 12:6, 7.) Llapantsiktapis Dios yarpämanqantsiktam Jesus yachatsikorqan.
▪ “Tsemi ama yarpacachar llaquinashqa puriyanquitsu, ‘¿Imataraq micushun? ¿Imataraq upushun? ¿Imataraq yacacushun?’ nishpa. Tse cosascunapaqqa yarpacachäyan Diosta mana cäsucoq nunacunallam. Peru qamcunapa imequicunapis pishenqantaqa sielucho quecaq Dios Yayam musyan.” (Mateo 6:31, 32.) Llapan wananqantsikkunatapis Diosqa musyëkanqantam Jesus yachatsikorqan.
NOQANTSIKPAQ Dios yarparanqantaqa clärom Bibliaqa nimantsik (Salmo 55:22; 1 Pedru 5:7). Tsëpenqa, ¿imanirtaq alläpa hipantsik o ñakantsik? Dios kuyakoq y llapan kallpayoq këkarqa, ¿imanirtaq imallatapis rurantsu problëmakunata altsanampaq?
Kë mana alli mundo Diablupa makinchö kaptinmi, y tsëtaqa wakin nunakunallam musyayan. Tsëmi Jesusta tentanampaq llapan mundopa gobiernonta qoyta munar kënö nerqan: “Qamtam qoshqeyki key llapan pwedeqkeyta, [...] noqatam qomashqa karqon, i pitapis munanqätam qoykü” (Lucas 4:5-7, QKW).
Pero ¿kë mundota gobernanampaqqa pitaq Satanasta churarqan? Teytantsikkuna Adanwan Ëvam, Diabluta qatiyänanrëkur Diospa contran churakarnin. Tsëpita witsëpam Satanás gobernanampaq Jehová haqirishqa, y mana alli gobernanqanta nunakuna rikäyänampaq. Servinapaq obligamänantsikpa rantinmi, Llapan Kallpayoq Diosqa Tsurinta kachamorqan salvamänantsikpaq, tsënöpa pëman kutinapaq (Romanos 5:10).
Kuyamarnintsikmi Diosqa Tsurin Jesusta kachamorqan, Satanaspita y mundompita libramänapaq. ‘Wanutsicoq diablupa poderninta ushacäratsimonqanam’ Jesusqa (Hebreus 2:14). Tsënömi ‘diablupa rureninta ushacäratsimonqa’ (1 Juan 3:8).
Patsaqa yapëmi alläpa shumaqman tikrarenqa. “Mananam waqayanqanatsu ni llaquiyanqanatsu, mananam imancunapis nananqanatsu, ni wanuyanqanatsu. Porqui tse sufrimientucunaqa ushacärishqanam” kanqa (Apocalipsis 21:4, 5).a
[Päginapa ura kuchunchö willakï]
a Imanir hipakïkunata o ñakëkunata Dios rikaranqanta más yachakïta munarqa, Jehoväpa testïgonkuna rurayanqan Rasumpëpaqa, ¿imatataq Biblia yachatsikun? libropa 11 kaq capïtulonta ashiri.
[5 kaq päginachö ninqan]
Patsaqa yapëmi alläpa shumaqman tikrarenqa