¿Imanirtan guërrakunaqa ushakantsu?
Bibliachömi willakun imanir kananyaq guërrakuna kanqanta y tsërëkur nunakuna sufrikäyanqanta.
JUTSAYOQ KANQANTSIK
Teyta Diosqa Adantawan Ëvatam kamarqan kuyakoq kayänampaq y yamë kawakuyänampaq (Genesis 1:27; 1 Corintius 14:33; 1 Juan 4:8). Peru Teyta Diosta mana cäsurmi jutsata rurayarqan. Tsëmi llapantsik jutsa ruraq kantsik y wanuntsik (Romänus 5:12). Jutsa ruraq karmi shonquntsikchö mana allikunallata imëpis yarparäkuntsik, tsëmi imëka mana allikunaman chantsik (Genesis 6:5; Marcus 7:21, 22).
GOBIERNUKUNA
Diosqa manam kikintsikpura gobernanakunapaqtsu kamamarquntsik. Bibliachömi nin: “Purikaq nunakunaqa manam imanö kawayanqanllatapis alli dirigita puëdiyantsu” (Jeremïas 10:23). Tsëmi gobiernukunaqa guërrakunata y mana allita ushakätsita puëdiyantsu.
SATANAS Y DEMONIUKUNA
Bibliachömi nin “kë munduchö nunakunaqa Diablupa” poderninchö këkäyanqanta (1 Juan 5:19). Pëqa qallanampitam asesïnu kashqa y manam pitapis llakipantsu (Juan 8:44). Awmi, Satanaswan demoniunkunaqa imëka formapam nunakunata chikinakatsin y guërrakunata ruratsin (Apocalipsis 12:9, 12).
Nunakunaqa manam guërrakunata y mana alli rurëkunata ushakätsita puëdiyantsu, peru Teyta Diosqa tsë llapantam ushakätsinqa.