Génesis

12 Jehová Diosqa Abranta niran: “Puebloykimanta lluqshiy aylluykikunata, taytaykipa ayllunkunata ima dejar, uklaw pueblo nuqa rikachishushayman riy. 2 Qammanta kusala achka runakuna nacinqa, kusalata bendicishushaq, shutiykitapis tukuyla yaĉhanqallapa, qamraykumi wakin runakunatapis bendecishaq ima. 3 Nuqaqami bendicishuqkunata bendecishaq, maldecishuqkunata maldecishaq ima. Chaynullapis, qamraykumi tukuy ayllukuna pachapi kaqkunata bendecishaq”. 4 Chaymi, Abranqa Jehová Dios mandashannulla ruraran, chayman ritinqa Lot yaparan. Abranqa 75 añoyjun karan Harán pueblonmanta lluqshirqa.