¿Imanutaq Dyusninchikta uyapanchikllapa?

Dyusninchikqa Biblyawan parlamanchik (2 Timoteo 3:16).

Dyuspa yarpuyninkunataqa Biblyapi tarinchik. Dyusninchikqa runakunata willatin Biblyataqa iskribiranllapa. Biblyapiqa allin yaĉakuykuna kan, chayrayku Dyusninchikqa chay- kunata yaĉakunata munayan.

Nipipis Dyusninchikmantaqa masta yaĉanchu. Chaymi pay yaĉan imataq nuqachikkunapaqqa kusala allin nir. Chayrayku payta uyaparqa, kusala shumaqta kawsashun (Proverbios 1:5).

Dyusninchikqami tukuy runakuna Biblyataqa liyinanta munayan. Chayrayku Biblyaqa rurakasha kusala achka rimaykunapi.

Dyusninchik willamashanchikta uyapanarqa, Biblyata liyiypaq intrakaypaq ima.

Tukuy intiru pachapi runakunaqa Dyusmanta yaĉakuyanllapa (Mateo 28:19).

Jyubá Dyuspa yaĉachikuqninkuna yaĉachishunqa Biblyaykimanta intrakanaykipaq.

Paykunaqami tukuy intiru pachapi Dyusmanta kusala shumaqta yaĉachishunqallapa.

Qam Dyusninchikmanta masta yaĉakunaykipaq Jyubá Dyuspa yaĉachikuqninkunapa tantakanan wasiman rinkiman. Mana pagrakutkichu yaĉachishunqallapa.