¿Pitaq Jesusqa?

Jyubá Dyusqa Jesusta pachaman kaĉamuran (1 Juan 4:9).

Unay tyimpu manaraq Adanta rurayar, syilupi ruraran uk ángel kusala pudirniyjunta. Dyusninchikqa munayanpis kay kusala pudirniyjun angelta uyapanapaq.

Rurarqa uk tyimpumanta kaĉamuran kay pachapi iti yupay nasinanpaq. Belenpi uk warmi manaraq runawan punusha wamrakuran. Shutichiranllapa: Jesús (Juan 6:38).

Jesús kay pachapi kawsarqa, Jyubá Dyusninchik yupay karan, kusala allin karan, wakinkunata kusalata munaran ima. Chayrayku runakunaqa payman kusalata qimikanaqllapa. Yaĉachikuranpis taytan Jyubá Dyusmanta allin imakunata mana manchakurchu.

Jesusqa tukuy imakunata kusala allinta ruraran, piru achka runakunaqa kusalata ĉiqniranllapa (Mateo 4:23; Juan 15:24, 25).

Qishaqkunata allicharan, aykala wanushakunatapis kawsachimuran ima.

Unay tyimpu iglesyapi mantakuqkuna, fariseo runakuna Jesucristuta ĉiqniqllapa. Jesucristuqa tukuy mana allin rurashankunata, mana allin yaĉachikushankunata willaq chayrayku.

Chaymantaqa fariseo mantakuqkunaqa Jesusta romanukunaman aparanllapa, paykunaqa kusalata qischar wanuchinanllapapaq.