Allita Bibliamanta yaĉakunaykipaq kaykunata ruray
Kay libritota uk yaĉachikuqwan yaĉakuy. Kay libritota qushushanta mañay Bibliamanta yaĉachishunanpaq, manaqa jw.org internetman yaykuy mas yaĉakunaykipaq.
QALLARINAPAQ
Tukuy parrafokunata leey. Kanpis tapunakuna numeroyjun (A). Bibliamanta textokuna yana colorpi (B) yanapashunqa yaĉakuyashaykita mas intrakanaykipaq. Ayka textokunapa qichqanpi leey nishanta leeypaq.
MAS INTRAKANAPAQ
“Mas intrakanapaq” niqpi, parrafo qallariqqa intrachimanchik imatataq chaymantaqa yaĉakushun nir (C). Numeroyjun subtitulokunaqa nimanchik imatataq yaĉakuyanchik nir (D). Bibliapa textunkunata leey, tapunakunata contestay, videokunatapis rikay (E).
Dibujokunamanta parlay (F), yarpuypis imataq ninkiman “Wakinkunaqa kaynu yarpunllapa” chaymanta (G).
TUKCHINAPAQ
Cada yaĉakunaqa tukukan “¿Imatataq yaĉakuranchik?”, “Yarpushun” ima niqkunawan (H). Cada yaĉakunata tukchirnaqa tukchishayki diata ĉuray. “Kayta ruray” niq yanapashunqa mas dasla Diosman qimikanaykipaq (I). “Mas yaĉakunaykipaq” niqpiqa tarinki mas librokunata, videokunata ima qampaq ( J).
Kayta ruray Bibliapi uk textota tarinaykipaq
Maskay libropa shutinta (A), chaymantaqa maskay atun número capítulo shutiqta (B), maskaypis taksha número versículo shutiqta (C). Intrakanaykipaq, Juan 17:3 textota kaynu leenchik “Juan, capítulo 17, versículo 3” rikaypis, dibujota ichuqlawpi kaqta.