¿Imanutaq Jesús wanushanqa washamanchik?

Adanwan Evaqa mana Diosta kasuranllapachu. Chayrayku, nuqanchikkuna uchakunchik, qischakanchik, wanunchik ima.a Pero Jehová Diosqa kusalata munamanchik, chayrayku wamranta kay pachaman kaĉhamuran uchanchikkunamanta washamanapaq. Bibliaqa nin Jesús vidanta qukur nuqanchikkunapaq pagrakuran nir. Jesusqa mana uchayjun vidanwan nuqanchikkunapaq pagrakuran (liyiy Mateo 20:28). Jesús kay pachapi tukuy tiempo kawsayta puytinanta. Pero vidanta qukuran nuqanchikkuna tukuy tiempo kawsayta puytinapaq. Chaynu rikachimanchik payqa kusalata munamanchik nir. Kay yaĉhakunapi yaĉhakushun imatataq rurayta puytinchik Jehová Diosta shunqunchikmanta-pacha payji ninapaq.

1. ¿Imanutaq Jesús wanushanqa kay tiempopi yanapamayashun?

Uchayjun kanchikllapa, chayrayku mana Dios munashantachu ruranchik. Pero uchanchikkunata dejar, Diosta perdonamanapaq Jesuspa shutinpi mañarqa Diospa amigon kayta puytinchik. Chaynullapis, kusalata esfuerzakaypaq amana qashan uchakunapaqchu (1 Juan 2:1). Bibliaqa nin: ʻJesucristomaqa, paylla qischakaran uk kutila tukuy tiempopaq, uchanchikllapamanta washamanallapapaq. Payqami kusala allin karmapis Dioswan pullachamanallapapaq tukuy mana allin kaqkunapaq qischakaranʼ (1 Pedro 3:18).

2. ¿Imanutaq shamuq tiempopiqa Jesús wanushanqa yanapamashun?

Jehová Diosqa wamranta pachaman kaĉhamuran mana uchayjun vidanta qukutin ʻtukuyla paypi [Jesús] creyiqkunaqa amana wanurchu tukuy tiempopaqna washakar kawsananllapapaqʼ (Juan 3:16). Jesús wanurqa Adán uchakushanmanta washamaranchik. Chayrayku, Jesús wanushanpi creyirqa tukuy tiempopaq shumaq pachapi kawsayta puytishunllapa (Isaías 65:21-23).

MAS INTRAKASHUNLLAPA

3. Jesús wanurqa uchakuymanta, wanuymanta ima washamashanchik

VIDEO: ¿Imapaqtaq Jesusqa wanuran? (parte 1) (2:01)

• Adán mana Diosta kasutinqa, ¿imataq payta pasaran?

Liyiyllapa Romanos 5:12, chaymantaqa kaykunamanta parlayllapa:

• Adán uchakusha katin, ¿imataq nuqanchikkunata pasamashanchik?

Liyiyllapa Juan 3:16, chaymantaqa kaykunamanta parlayllapa:

• ¿Imapaqtaq Jehová Diosqa wamranta pachaman kaĉhamuran?

1. Adanqa mana uchayjun runachu karan, pero Diosta mana kasur uchakutinqa tukuy wamrankunapis uchakuq runakunana tikrakaranllapa, wanuranllapa ima.

2. Jesusqa mana uchayjun runachu karan, chayrayku tukuy tiempo Diosta kasurqa achka runakuna tukuy tiempo kawsayta puytinanpaq manana uchayjun kananpaq ima yanaparan.

4. Jesús wanushanqa tukuy runakunata yanapan

VIDEO: ¿Imapaqtaq Jesusqa wanuran? (parte 2) (2:00)

• ¿Imapaqtaq ninchik uk runala wanur tukuy runakunata washaran nir?

Liyiyllapa 1 Timoteo 2:5, 6, chaymantaqa kaykunamanta parlayllapa:

• Adanqa mana uchayjun runachu karan, pero Diosta mana kasur uchakutinqa tukuy wamrankunapis uchakuq runakunana tikrakaranllapa, wanuranllapa ima. Jesuspis mana uchayjun runachu karan. ¿Imatataq ruraran uchanchikkunapaq pagrakunanpaq?

5. Jehová Diosqa wamranta qukuran washamanallapapaq

Jehová Diospa amigonkunaqa Jesús paykunapaq vidanta qukusha katin Jehová Diosta payji ninllapa. Liyiyllapa Gálatas 2:20, chaymantaqa kaykunamanta parlayllapa:

• ¿Imapaqtaq apóstol Pabloqa Jesús wanushanta uk regalota yupay rikaq?

Adán uchakuran, chayrayku tukuy wamrankunapis uchayjun kar wanunllapa. Pero Jehová Diosqa wamranta kay pachaman kaĉhamuran nuqanchikkunapaq wanutin tukuy tiempo kawsayta puytinapaq.

Kay textokunata liyirqa, yarpuy imanutaq Jehová Diosqa sintisha kanqa wamranta qischakaqta rikarqa. Liyiyllapa Juan 19:1-7; 16-18 ima, chaymantaqa kaykunamanta parlayllapa:

• ¿Imanutaq sintinki Jehová Dioswan Jesús kaykunata qampaq ruraran nir yaĉharqa?

KAYKUNATA YAĈHAKUSHANCHIK

Jesús wanusha katin Jehová Diosqa uchanchikkunata perdonamanchik, tukuy tiempo kawsayta puytinapaq yanapamanchik ima.

¿Imataq ninkiman?

• ¿Imapaqtaq Jesusqa wanuran?

• ¿Imapaqtaq ninchik uk runala wanur tukuy runakunata washaran nir?

• ¿Imanutaq Jesús wanushanqa yanapashuyta puytin?

MAS YAĈHAKUNAYKIPAQ

Liyiy imapaqtaq ninchik Jesús wanushanqa washamayninchikta puytin nir.

“¿En qué sentido es el sacrificio de Jesús un ‘rescate por muchos’?” (Artículo de jw.org)

Liyiy imatataq ruraypaqllapa washakanapaq.

“¿De qué manera nos salva Jesús?” (Artículo de jw.org)

¿Jehová Diosqa saqrata uchakusha perdonamayashunchu? Kaypi liyiy.

“Preguntas sobre la Biblia” (La Atalaya, 1 de mayo de 2013)

Imanutaq Jesús wanushanqa uk runata allinta rurar kawsananpaq yanaparan. Kaypi liyiy.

“Ya no soy esclavo de la violencia” (Artículo de jw.org)