¿Imanutaq Jyubá Dyusta munashaykita rurashaq niyta puytinki?

Jyuba Dyusninchikman qimikar pay munashanta ruray (1 Pedro 5:6-9).

Tukuy kustumrikikuna Jyubá Dyus ĉiqnishankunata dijay ama manchakurchu.

Jyubá Dyusninchikpaq mantakunanlata yanapaypaq, ama kay pachapi runakunapaq mantakunantachu.

Dyusta uyaparqa kusala allinta rurayanki (Mateo 7:24, 25)

Jyubá Dyuspa yaĉachikuqninkunapa tantakanan wasinman ritkiqa, paykuna yanapashunqa Dyusmanta mas yaĉakunaykipaq.

Jyubá Dyusmanta tukuy tyimputa yaĉakur riy, pay mantakushanta kasuy ima.

Jyubá Dyusninchiklata sirbiypaq nir yaĉarqa, qam munashaykilata rurashaq nir mañakuy, chaymantaqa shutikuy paylata sirbinaykipaq (Mateo 28:19).

Dyusninchikta uyapay, Biblyata liyiy. Jyubá Dyuspa yaĉachikuqninkunata mañakuy yanapashunanpaq Biblyamanta intrakanaykipaq. Yaĉakushaykikunata rurarqa, tukuy tyimputa kawsanki (Salmo 37:29).