YAĈHAKUNA 13
Yanqa religionkunaqa Diosmanta llullakur rimanllapa
Llakipakuq Diosmanta achka religionkunaqa parlakur puriyanllapa, pay munashannu kawsayanllapa ima nir yarpunllapa. Pero, ¿imapaqtaq kusa saqra imakunata rurashallapa? Chay yanqa religionkunaqa Diosmanta rimar, saqra imakunata rurar imaqa, Diosmanta kabalta llullakur puriyanllapa. ¿Imanutaq Diosmanta llullakur rimashallapa? ¿Imanutaq chaynu rimarqa Diosta sintichiyanqallapa? ¿Imatataq Diosqa ruranqa?
1. ¿Imanutaq yanqa religionkunaqa Diosmanta llullakur wakinkunata yaĉhachiyanllapa?
Yanqa religionkunaqa ‘chiqap [ciertota kawsaq, NWT] Diospi mana creyinar, payta adorayta mana munar, ashwan chay llulla kaqkunalapina creyishallapa’ (Romanos 1:25). Chay religionkunaqa wakinkunata mana Diospa shutinmanta yaĉhachinllapachu. Ashwan, Bibliaqa nin Diospa shutinmanta tukuyta parlayllapa nir (Romanos 10:13, 14). Chay religionkunaqa ninpis tukuy imakuna pasamashaqa Dios castigamayanchik nir. Pero chayqa mana ciertochu. Diosninchikqa mana mayqantapis castiganchu (liyiy Santiago 1:13). Chay religionkuna chaynu Diosmanta llullakur rimarqa tukuy runakunata Diosmanta ashuchiyanllapa.
2. Yanqa religionkunaqa, ¿imanutaq tukuyanllapa?
Yanqa religionkunaqa mana runakunataqa Jehová Dios yupay munanchu. Bibliaqa nin yanqa religionkunapa “uchakushanqami, ima unaqkaman quturaq yupay” nir (Apocalipsis 18:5). Yanqa religionkunaqa unaymanta-pacha gobiernokunata, guerrakunata yanapanllapa, chaynullapis achka runakunata wanuchishallapa ima. Wakin yanqa religionkunaqa achka imayjun kawsanllapa, paykunapa iglesianpi kaqkunata platata mañanllapa paykuna shumaqta kawsananllapapaq ima. Chaynu tukurqa mana Diosta riqsiq yupay tukuyanllapa. Chayqa, ¿imanuna paykunaqa Diosman qimikanapaq yanapamashun? (Liyiy 1 Juan 4:8).
3. ¿Imanutaq Diosqa sintiyanqa yanqa religionkuna saqra imakunata ruraqta rikarqa?
Qamta paykuna imanu tukuyashan mana gustashuyatinqa, ¡imanutaq Diospis sintiyanqa! Diosninchikqa tukuy runakunata kabalta munan, pero yanqa religionkuna paymanta llullakur rimaqkunata, iglesianllapaman riqkunata qischaqkunata imaqa kabalta ĉhiqnin. Diosqa yanqa religionkunataqa tukchinqa, chaymi ‘mana mayqanpis qashanqa rikanqanachu’ (Apocalipsis 18:21). Shipchalana faltayan Diosqa tukuy yanqa religionkunata tukchinanpaq (Apocalipsis 18:8).
MAS INTRAKASHUNLLAPA
Mas allita intrakashun imatataq Jehová Diosqa yarpuyan yanqa religionkunapaqqa nir. Yaĉhakushunpis ima mas imakunatataq yanqa religionkunaqa rurashallapa nir. Chaynullapis, yaĉhakushun imapaqtaq qamqa paykuna chaynu tukuyatinmapis ama Diosmanta yaĉhakuytaqa dejankimanchu nir.
4. Diosqa mana tukuy religionkunata allinta rikanchu
Achka runakunaqa tukuy religionkuna Diosmanqa qimikachimanchik ninllapa. Pero, ¿chaynuchu kanqa? Liyiyllapa Mateo 7:13, 14, chaymantaqa kaykunamanta parlayllapa:
Biblia nishannu, ¿imanutaq tukuy tiempo kawsanapaq apamaqninchik nanqa?
VIDEOTA rikayllapa, chaymantaqa kaykunamanta parlayllapa:
¿Diosqa tukuy religionkunata allita rikanchu? ¿Imataq nin Bibliaqa?
5. Yanqa religionkunaqa mana Dios yupay wakinkunata llakipanchu
Yanqa religionkunaqa Diosmanta llullakur achka imakunata rurashallapa, paykunaqa guerrakunata yanapashallapa ima. Mas yaĉhanaykillapapaqqa, VIDEOTA rikayllapa. Chaymantaqa kaykunamanta parlayllapa:
¿Imatataq ruraranllapa achka iglesiakunaqa Segunda Atun Guerrapiqa?
¿Imatataq qamqa yarpunki chaynu paykuna tukushanmanta?
Liyiyllapa Juan 13:34, 35; 17:16 ima, chaymantaqa kaykunamanta parlayllapa:
¿Imanutaq Jehová Diosqa sintin religionkuna guerrakunata yanapatinllapa?
Yanqa religionkunaqa achka saqra imakunata rurashallapa, mana Dios yupay llakipakunllapachu ima. ¿Imakunata rurartaq chaynu tukuyanllapa?
Yanqa religionkunaqa mana Dios yupay llakipakunllapachu.
6. Diosqa tukuy runakunata yanqa religionkunamantaqa urqunayan
Liyiyllapa Apocalipsis 18:4,a chaymantaqa kaykunamanta parlayllapa:
Diosqa tukuy runakunata yanqa religionkunamantaqa urqunayan. ¿Imatataq chaymantaqa yarpunki?
7. Diosmantaqa yaĉhakur siguiy
Yanqa religionkuna chaynu tukusha katinmapis, ¿Diosmanta malta yarpunkimanchu? Yarpuy, uk wamra taytanta mana kasur wasinmanta rir kusa saqra imakunata rurar kawsaqpi. Taytanqa wamran mana chaynu kawsananta munayanqachu. ¿Ima ninkitaq? ¿Taytanchu culpayjun kanqa chaynu wamran saqra imakunata rurar kawsayatinqa?
Chayqa, ¿allinchu kanqa yanqa religionkuna saqra imakunata rurashanpaq Diosta culpayqa? ¿Mananachu Diosmanta yaĉhakur siguinkiman?
WAKINKUNAQA KAYNU YARPUNLLAPA: “Religionkunaqa wakinkunata achka dañota rurashallapa; chaymi mana imatapis Diosmantaqa yaĉhanayanichu”.
Qampis, ¿chaynuchu yarpunki?
Yanqa religionkuna saqra imakunata rurayatinmapis, ¿imapaqtaq Jehová Diosmantaqa ama malta yarpuchuwanchu?
KAYKUNATA YAĈHAKUSHANCHIK
Yanqa religionkunaqa Diosmanta llullakur rimayanllapa, saqra imakunata rurayanllapa ima. Chaymi, shipchalana faltayan Diosqa yanqa religionkunataqa tukchinanpaq.
¿Imataq ninkiman?
Yanqa religionkuna imanutaq tukusha, imanutaq yaĉhachikusha ima nir yaĉharqa, ¿imanutaq sintinki?
¿Imanutaq Jehová Diosqa rikan yanqa religionkunata?
¿Imanachinqataq Diosqa yanqa religionkunata?
MAS YAĈHAKUNAYKIPAQ
Liyiy ima ishkay imakunata rurartaq religionkunaqa Diosta mana pay munashannuchu adorayanllapa nir.
“¿Nos acercan a Dios todas las religiones?” (Artículo de jw.org)
¿Imapaqtaq Jehová Diosqa ama nuqanchikkunala paytaqa adoranallapata munayanchu, ashwan wakinkunawan adoranallapata munayan? Kaypi liyiy.
“¿Es necesario pertenecer a una religión?” (Artículo de jw.org)
Uk sacerdote mana religionninpi confiaqchu. Pero mana desanimakarchu ciertota kawsaq Diosta maskar siguiran. Kaypi liyiy.
“Un sacerdote abandona la Iglesia” (¡Despertad!, febrero de 2015)
Unay tiempomanta-pacha yanqa religionkunaqa Diosmanta llullakur rimashallapa, wakin runakunata Diosqa saqra Dios nir yarpuchishallapa ima. Chay kimsa llullakur Diosmanta rimashanllapataqa kaypi yaĉhakuy.
“Mentiras que nos alejan de Dios” (La Atalaya, 1 de noviembre de 2013)