YAĈHAKUNA 29
¿Wanushakunaqa uklaw lugarpi kawsar siguiyanqachu?
¿Aylluyki manaqa amigoyki wanushachu? Chay pasatinqa kusalata llakir kaynu yarpushayki kanqa. ¿Wanushakunaqa uklaw lugarpi kawsar siguiyanqachu? ¿Qashan aylluyta manaqa amigoyta rikashaqchu? nir. Kay yaĉhakunapi, shamuq yaĉhakunapi ima yaĉhakushunllapa imatataq Bibliaqa wanushakunamanta yaĉhachimanchik nir.
1. Wanushaqa, ¿imataq pasamanchik?
Jesusqa wanushakunaqa punuq yupay niran. ¿Imapaqtaq ninchikllapa wanuyqa punuy yupay nir? Uk runa kusalata punurqa mana uyakuyta, sintiyta ima puytinchu. Chaynu wanushakunapis mana nanachikunchu mana qischakanchu ima. Bibliaqa nin: “Wanushakunaqami mana imatapis yaĉhayanchu” nir (liyiy Eclesiastés 9:5).
2. Wanushakunamanta allita intrakarqa, ¿imakunatataq manana rurashunchu?
Achka runakunaqa kusalata manchanllapa wanuyta, wanushakunata ima. Qampis wanushakunata manchayanki kanqa, pero Biblia yanapashuyta puytin ama wanushakunata manchanaykipaqchu. Jesusqa niran: “Chiqap [manaqa cierto] kaqqa tukuy imamanta washashunqallapa” nir (Juan 8:32). Achka religionkuna yaĉhachikunllapa wanushakunapa almanqa mana wanunchu nir. Pero Biblia-shuypaqa yaĉhachimanchik wanushakunaqa mana almayjunchu nir. Chayqa, wanushakunaqa mana imatapis yaĉhanchu, mana dañota ruramanchikchu ima. Chayrayku, ama wanushakunapaqqa rezaypaqchu, ama runakunapa costumbrenkuna yupay wanushakunataqa qasillachiyta kamaypaqchu, ama alabaypaqchu ima.
Wakin runakunaqa wanushakunawan parlan nir yarpunllapa. Pero chayqa mana ciertochu. Ashwanmi Bibliaqa nin wanushakunaqa mana imatapis yaĉhanchu nir. Runakunaqa mana wanushakunawan parlanllapachu ashwanmi demoniokunawan parlanllapa. Chayrayku, Jehová Diosqa mana wanushakunawan parlanata munanchu, pay yaĉhan demoniokunaqa kusalata qischamayninchikta puytin nir (liyiy Deuteronomio 18:10-12).
MAS INTRAKASHUNLLAPA
Yaĉhakushunllapa ima mas imakunatataq Bibliaqa wanuymanta yaĉhachimanchik nir. Yaĉhakushunpis llakipakuq Diosninchikqa mana wanushakunata qischanchu nir, chaykunamanta allita yaĉhakurqa mas Diospi confiakashunllapa.
3. Wanushaqa, ¿imataq pasamanchik?
Tukuy pachapi runakunaqa ukta ukta wanushakunamanta rimanllapa, pero paykuna rimashanllapaqa mana ciertochu.
Puebloykipiqa, ¿ima ninllapataq wanushakunamanta?
Biblia niyashanta yaĉhakunapaq, VIDEOTA rikayllapa.
Liyiyllapa Eclesiastés 3:20, chaymantaqa kaykunamanta parlayllapa:
Kay texto niyashannu, ¿imataq runakuna wanushakunataqa pasan?
Uk runa wanutinqa, ¿espiritun manaqa alman uklaw lugarpi kawsar siguiyanqachu?
Biblia nimanchik Jesuspa allin amigon Lazaroqa wanuran nir. ¿Imataq Jesusqa Lazaromanta niran? Liyiyllapa Juan 11:11-14, chaymantaqa kaykunamanta parlayllapa:
¿Ima nirantaq Jesusqa wanuymanta?
Jesús nishanqa, ¿imatataq yaĉhachimanchik wanuymanta?
Biblia wanushakunamanta yaĉhachimayashanchikqa, ¿ciertochu kanqa?
4. Wanushakunata ama manchaypaqchu
Wanushakuna mana dañota ruramanchikchu nir yaĉharqa manana wanushakunata manchashunchu. Liyiyllapa Eclesiastés 9:10, chaymantaqa kaykunamanta parlayllapa:
¿Wanushakunaqa dañota ruramayninchikta puytiyanqachu?
Bibliaqa yaĉhachimanchik wanushakunata ama qasillachiyta kamaypaqchu, ama alabaypaqchu ima nir. Liyiyllapa Isaías 8:19; Apocalipsis 4:11 ima, chaymantaqa kaykunamanta parlayllapa:
Wanushakunata yanapamanallapapaq mañashaqa, ¿imanutaq Diosqa sintiyanqa?
Bibliapi wanushakunamanta allita yaĉhakurqa, manana Jehová Dios ĉhiqnishankuna costumbrekunata rurashunnachu.
5. Imanutaq wanushakunaqa nir yaĉhayqa consolamanchik
Wakin religionkunaqa yaĉhachikunllapa runakuna saqra imakunata rurashakuna wanurqa qischakaq rinllapa nir. Pero Bibliaqa nimanchik runakuna saqra imakunata rurasha karmapis wanurqa mana qischakaq rinchu nir. Liyiyllapa Romanos 6:7, chaymantaqa kaykunamanta parlayllapa:
Bibliaqa nin uk runa wanurqa mana uchayjunnachu quedan nir. Chayqa, ¿wanushakunaqa uchankunapaq pagrakuyanqachu?
Mas Jehová Diosta riqsirqa mas seguro kashunllapa payqa mana wanushakunata qischayanchu nir. Liyiyllapa Deuteronomio 32:4, 1 Juan 4:8 ima, chaymantaqa kaykunamanta parlayllapa:
Kay textokuna niyashannu, ¿uk Dios kusalata llakipakuqqa wanushakunata qischayta puytiyanqachu?
Biblia wanushakunamanta yaĉhachimashanchikqa, ¿consolamanchikchu? ¿Imapaqtaq?
WAKINKUNAQA KAYNU YARPUNLLAPA: “Kusalata manchakuni wanutiyqa Dios qischamanqa nir yarpurqa”.
Mayqan chaynu nishutinqa, ¿ima versiculokuna Bibliapi kaqwantaq animachinkiman?
KAYKUNATA YAĈHAKUSHANCHIK
Wanushakunaqami mana imatapis ruranchu, mana qischakanllapachu, mana wakinkunata dañota ruranllapachu ima.
¿Imataq ninkiman?
¿Wanushakunaqa uklaw lugarpi kawsar siguiyanqachu?
Wanushakunamanta allita intrakarqa, ¿imakunatataq manana rurashunchu?
Biblia wanushakunamanta yaĉhachimashanchikqa, ¿imapaqtaq consolamanchik?
MAS YAĈHAKUNAYKIPAQ
Liyiy imataq Bibliaqa almamanta nimanchik.
¿Dios wanushakunata infiernopi qischayanqachu? Videota rikay.
¿Infiernomanqa qischakaqchu rinchik? (3:07)
¿Wanushakunata manchaypaqchu? Kaypi liyiy.
Espíritus de difuntos... ¿pueden ayudar a uno?, ¿o causarle daño? ¿Existen, realmente? (Folleto)
Uk runata Bibliapi wanuymanta yaĉhakuyqa kusalata consolaran. Kaypi liyiy.
“Me impresionaron las respuestas claras y lógicas de la Biblia” (La Atalaya, 1 de febrero de 2015)