YAĈHAKUNA 30
¡Aylluykikuna, amigoykikuna ima wanushakunaqami kawsamunqa!
Ayllunchikkuna, amigonchikkuna ima wanutinqa kusalata llakinchik. Chayrayku, Bibliaqa nin wanuyqa tukukanqa nir (1 Corintios 15:26). Yaĉhakuna 27-pi yaĉhakuranchik Jehová Diosqa wanuytaqa tukchinqa nir. ¿Imataq pasanqa runakuna wanushallapana chaykunataqa? Kay yaĉhakunapi mas intrakashun ima kusa shumaq imatataq Diosqa ruranqa nir: kabal achka wanushakunata kawsachimunqa tukuy tiempopaqna shumaqta kawsananllapapaq. ¡Qashanmi kawsamunqallapa! Pero, ¿chayqa ciertotachu pasanqa? ¿Maypitaq kawsamunqallapa cielopichu manaqachu pachapi?
1. ¿Imatataq Jehová Diosqa ayllunchikkuna amigonchikkuna ima wanushakunapaq ruranayan?
Jehová Diosqa wanushakunata kawsachimunayan. Uk runito Job shutiq Diospi kusalata creyiq, chayrayku seguro karan “pampakanllapa chaypi” katinmapis Diosqa kawsachimunqa nir. Jobqa Diosta niran: “Qammi qayakunki, nuqaqa contestashushaq” (liyiy Job 14:13-15, NWT).
2. ¿Imapaqtaq seguro kanchikllapa wanushakunaqa kawsamunqallapa nir?
Jesús kay pachapi katinqa Jehová Diosqa poderta quran wanushakunata kawsachimunanpaq. Chayrayku, uk chinita 12 añoyjunta, uk viudapa wamranta ima kawsachimuran (Marcos 5:41, 42; Lucas 7:12-15). Chaymanta, amigon Lázaro wanuran. Pero cuatro diana wanusha katinmapis Jesusqa kawsachimuran. Jesús Taytanta mañakurqa, Lázaro pampakashanman chapakur kusala fuerteta kaynu nir qayakuran: “¡Lázaro, lluqshimuy!” nir. Chaynu nitinmi “wanusha karan chayqa lluqshimuran”, ¡kawsayaranna! (Juan 11:43, 44). Lázaro pampakashanmanta lluqshimutinqa ayllunkuna kusala alegre kasha kanqa.
3. ¿Aylluykikuna, amigoykikuna ima wanushakunaqa kawsamunqachu?
Bibliaqa nimanchik “wanuqkunaqa qashanpis” kawsamunqa nir (Hechos 24:15). Jesús kawsachimuran chay runakunaqa mana cieloman rishallapachu karan (Juan 3:13). Jesús kawsachimuran chaykunaqa kusala alegre karanllapa qashan kay pachapi kawsamusha kar. Chaynu, Jesuspis kabal achka wanushakunata kawsachimutin kusala shumaq pachapi kabal alegre kawsananllapapaq tiempoqa shipchalana. Payqa niran wanushakuna “pampakashanmanta kawsamunqallapa” nir, tukuy Diospa yarpuyninpi kaqkuna kawsamunqallapa, nuqanchikkuna qunqashamapis Jehová Diosqa mana paykunamantaqa qunqanqachu (Juan 5:28, 29, nota).
MAS INTRAKASHUNLLAPA
Bibliapi yaĉhakushunllapa wanushakunaqa kawsamunqallapa, Dios wanushakunata kawsachimunqa nir arnimashanchiktapis cumplinqa ima nir. Chaynullapis, yaĉhakushun imanu Bibliaqa consolamanchik nir.
4. Jesús kay pachapi karqa wanushakunata kawsachimuyta puytin nir rikachimaranchik
Jesús Lazarota kawsachimushanmanta mas yaĉhakuy. Liyiyllapa Juan 11:14; 38-44 ima, chaymantaqa kaykunamanta parlayllapa:
¿Imanutaq yaĉhanchik Lazaroqa ciertota wanusha karan nir? (Rikayllapa versículo 39).
Lázaro cieloman rishana katinqa, ¿Jesusqa qashan kay pachaman apamushachu kanqa?
5. ¡Kabal achka runakuna kawsamunqallapa!
Liyiyllapa Salmo 37:29, chaymantaqa kaykunamanta parlayllapa:
¿Maypitaq kabal achka runakuna kawsamurqa kawsanqallapa?
Jesusqa mana Diospa serviqninkunalatachu kawsachimunqa, ashwan runakuna mana Diosta riqsishakunatapis kawsachimunqa. Liyiyllapa Hechos 24:15, chaymantaqa kaykunamanta parlayllapa:
¿Qamqa pitaq kawsamunanta munayanki?
Yarpuy: Imanutaq uk tayta wamranta dasla rikĉhachin chaynu Jesuspis wanushakunataqa kawsachimunqa.
6. Wanushakuna kawsamunqa nir yaĉharqa mana masiawta llakishunllapanachu
Jesusqa Jairopa chinitanta kawsachimuran. Achka runakuna Bibliapi Jesús kawsachikushanmanta liyirqa kusalata animakushallapa. Liyiyllapa chaytaqa Lucas 8:40-42; 49-56 ima.
Manaraq Jesusqa Jairopa warmi wamranta kawsachimuyar, Jesusqa Jairota niran: ʻAma manchakurchu, nuqalapi creyiyʼ nir (rikayllapa versículo 50).
Aylluyki manaqa amigoyki wanutin, ¿imanutaq qamtaqa yanapashunqa wanushakunaqa kawsamunqallapa nir yaĉhayqa?
Wanunaykipaqna katkiqa, ¿imanutaq qamtaqa yanapashunqa wanushakunaqa kawsamunqallapa nir yaĉhayqa?
VIDEOTA rikayllapa, chaymantaqa kaykunamanta parlayllapa:
¿Imanutaq Felicitipa taytankunata yanapasha, consolasha ima wanushakunaqa kawsamunqallapa nir yaĉhayqa?
WAKINKUNAQA KAYNU YARPUNLLAPA: “Imash wanushakunaqa qashan kay pachapi kawsamunqallapa”.
¿Imatataq qamqa yarpunki?
¿Ima textowantaq allita intrachinkiman wanushakunaqa kawsamunqallapa nir?
KAYKUNATA YAĈHAKUSHANCHIK
Diosqa Bibliawan arnimanchik kabal achka runakuna kawsamunqallapa nir. Chaynullapis, Jehová Diosqa kabalta wanushakunataqa kawsachimunayan. Chayrayku, payqa poderninta wamran Jesusta qusha wanushakunata kawsachimunanpaq.
¿Imataq ninkiman?
¿Imanutaq yaĉhanchik Jehová Dioswan Jesusqa kusalata wanushakunataqa kawsachimunayan nir?
¿Maypitaq kabal achka runakuna kawsamurqa kawsanqallapa: cielopichu manaqachu pachapi? ¿Imapaqtaq chaynu yarpunki?
¿Imapaqtaq seguro kanki aylluykikuna, amigoykikuna ima kawsamunqallapa nir?
MAS YAĈHAKUNAYKIPAQ
Aylluyki wanutin, ¿imataq yanapashuyta puytin ama masiawta llakinaykipaq? Kaypi liyiy.
“Ayuda para quienes están de duelo” (¡Despertad!, núm. 3 2018)
¿Ayllunchikkuna wanutinqa Bibliaqa yanapamayninchikta puytiyanqachu? Kay videota rikay.
Rikakuy imanutaq yanapayta puytinchik uk wamritupa ayllun wanutinqa.
¿Mayqan cielopi kawsamunqachu? ¿Pikunataq mana kawsamunqallapachu? Kaypi liyiy.