YAĈHAKUNA 33
Diospa Gobiernonqa achka bendicionkunata apamunqa
Diospa Gobiernonqa mandakuyanna. Pukulana faltayan kabal achka imakunata kay Pachanchikpi rurananpaq. Yaĉhakushunllapa ima kusala shumaq imakunata Diospa Gobiernonqa ruranqa nir. Chaynullapis, yaĉhakushunllapa achka bendicionkunata qamqa aypanki nir.
1. ¿Imatataq Diospa Gobiernonqa ruranqa kusala allin imakunata rurar, tranquilo ima kawsanapaq?
Uk guerra Armagedón shutiqpi Jesusqa Diospa Gobiernonwan saqra runakunata, runakunapa gobiernonkunata ima tukchinqa (Apocalipsis 16:14, 16). Chay tiempopiqa kay Biblia niyashan limpula cumplikashana kanqa: “Manami maychu saqrata ruraqkuna tukukananpaqqa” (Salmo 37:10). Diospa Gobiernonwan Jesusqa entero Pachapi kusala allin imakunata rurar, tranquilo ima kawsanapaq yanapamashun (liyiy Isaías 11:4).
2. Kay Pachapiqa Dios munayashan rurakatin, ¿imanutaq kawsashunllapa?
Dios mandakuyatinqa, “Allinlata ruraqkunaqami pachataqa herencianllapapaq aypakur, tukuy tiempopaq kawsanqallapa” (Salmo 37:29). Mana saqra runakuna katin, tukuyla Jehová Diosta kabalta munatinllapa, ukninllapa ukninllapa kabalta munanakutinllapa imaqa kusala alegrina kawsashunllapa. ¡Chayqa kusala shumaq kanqa! ¿manchu? Nipipis qishanqanachu, ashwan tukuy runakuna tukuy tiempopaq kawsanqallapa.
3. Diospa Gobiernonqa, ¿imatataq ruranqa saqra runakunata tukchirnaqa?
Saqra runakunata tukchirnaqa Jesusqa 1.000 añokunata mandakunqa, chay tiempopiqa, Jesús 144.000 cieloman rishakunawan, cielomanta-pacha mandakamur kay Pachapi kawsaqkunata yanapanqallapa amana uchayjunnachu kar tukuy tiempopaq kawsayta puytinanllapapaq. 1.000 añokuna tukukatinnaqa entero pacha kabal shumaq kanqa. Tukuy runakuna kusala alegre kawsanqallapa Jehová Diospa leyninkunalata kasur. Chaymantaqa, Jesusqa gobiernontaqa Taytan Jehová Diosta qunqa. Chaymi Diospa shutinta kabalta respetanqallapa (Mateo 6:9, 10). Tukuyla cuentata qukanqallapa Jehová Diosqa kusala allin mandakuq, pueblonta cuidan ima nir. Chaymantaqa, Jehová Diosqa Satanasta demonionkunawan tukchinqa, chaynullapis tukuy Diospa Gobiernonpaq contran kaqkunata tukchinqa (Apocalipsis 20:7-10). Tukuy kusala shumaq imakunata Diospa Gobiernon rurashanqa tukuy tiempopaq kanqa.
MAS INTRAKASHUNLLAPA
Yaĉhakushunllapa imapaqtaq seguro kanchikllapa Diosqa Gobiernonwan Bibliapi shamuq tiempopaq arnimashanchikkunataqa cumplinqa nir.
4. Diospa Gobiernonqa runakunapa gobiernonkunata tukchinqa
“Runaqami runa masinta munashanta rurar qischarqa paypis qischakan” (Eclesiastés 8:9). Jehová Diosqa Gobiernonwan saqra imakunata runakuna rurashanta tukchinqa.
Liyiyllapa Daniel 2:44; 2 Tesalonicenses 1:6-8 ima, chaymantaqa kaykunamanta parlayllapa:
¿Imanachinqallapataq Jehová Dioswan wamran Jesusqa runakuna mandakuqkunata? Chaynullapis, ¿imanachinqallapataq runakuna runakunapa gobiernonta apoyaqkunata?
¿Imapaqtaq seguro kanki Jehová Dioswan Jesús ruranayashanqa kusala allin nir?
5. Jesús kusala allin mandakuq kanqa
Jesús Diospa Gobiernonpi mandakurqa, kusala shumaq imakunata ruranqa kay Pachapi kawsaqkunapaq. VIDEOTA rikayllapa yaĉhanaykipaq imapaqtaq Jesusqa tukuy runakunata yanapanayan, yaĉhanaykipaqpis Diosqa Jesusta poderta qusha chaykunata rurananpaq ima nir.
Jesús kay Pachapi kusala achka imakunata rurarqa rikachimaranchik imatataq Diospa Gobiernonqa ruranqa nir. Achka bendicionkuna Dios arnimashanchikkuna mas uralawpi kaqkunamantaqa, ¿mayqanninkunataq cumplikananta munayanki? Liyiyllapa tukuy textokunata tukuy Dios arnimashanchikta yaĉhanaykipaq.
KAY PACHAPIQA, JESUSQA... |
CIELOMANTA-PACHA, JESUSQA... |
|---|---|
|
|
|
|
|
|
|
|
6. Diospa Gobiernon mandakutin kusala shumaqta kawsashunllapa
Jehová Diosqa Gobiernonwan tukuy imakunata unay may tiempomanta-pacha ruranayashanta ruranqa. Chaymi tukuy runakuna entero pacha kabal shumaqpaq tikrakatin chaypina tukuy tiempopaq kawsanqallapa. VIDEOTA rikayllapa yaĉhanaykillapapaq imanutaq Jehová Diosqa pay munashanta wamran Jesuswan ruranqa nir.
Liyiyllapa Salmo 145:16, chaymantaqa kaykunamanta parlayllapa:
¿Imanutaq sintiyanki Jehová Diosqa kusala “achka bendicionta” tukuy nuqanchikkunata qumashun nir yaĉharqa?
WAKINKUNAQA KAYNU YARPUNLLAPA: “Uk runa mas allin mandakuq tukuy problemanchikkunata tukchinqa”.
¿Ima runakunapa gobiernonkuna mana kamakachiyta puytishantataq Diospa Gobiernonqa kamakachinqa?
KAYKUNATA YAĈHAKUSHANCHIK
Jehová Diospa Gobiernonqa tukuy pay munashanta ruranqa. Entero pacha kabal shumaq kanqa chaynullapis, tukuy runakuna Diosta kasuqkuna paylata adoranqallapa tukuy tiempopaq.
¿Imataq ninkiman?
¿Imatataq Jehová Diosqa Gobiernonwan ruranqa paypa shutinta respetananllapapaq?
¿Imapaqtaq seguro kanchikllapa Diospa Gobiernonqa tukuy Dios arnimashanchikkunata cumplinqa nir?
Diospa Gobiernonqa achka shumaq imakunata ruranqa chaykunamantaqa, ¿ima bendicionkunatataq alliplata rikanayanki?
MAS YAĈHAKUNAYKIPAQ
Liyiy imataq Armagedonqa nir yaĉhakunaykipaq.
Liyiy imakunataq pasanqa Jesús rimaran chay “kusala saqra manchaypaq” tiempo ĉhamutinqa(Mateo 24:21).
¿Imakunataq ayllukunata yanapayta puytin mushuq pachapi yarpunanllapapaq? Kay videota rikakuy.
Liyiy imanutaq uk runa Diospa Gobiernonpa contran kaqta Bibliaqa yanaparan nir.
“La Biblia les cambió la vida” (La Atalaya, 1 de enero de 2012)