1 Pedro
2 Recién huacharishca huahuaga paibu mamabu lechedami mascan, chai leche puroda shinami canbish Diosbu Palabrada mascana gangui, shina rrurrashmi huiñash catish salvari pudingui. 13 Jesús munashca shina tucui laya autoridadta charijgunada cazuichi, reyga mandajmi gan, 14 shinalladi gobernadorgunadash cazuichi, paigunami na allida rrurrajgunada juzganga y allida rrurrajgunada reconocingami. 17 Tucui laya gentegunada respetaichi, tucui huauquipanigunada juyaichi, Diosdaga manchaichi, reydaga respetanami ganguichi. 21 Caibu cayashcami ganguichi, Cristoga quiquingunamundami sufrirca, shinami paida catillun cai ejemploda saquirca. 22 Paiga ima juchada na rrurrarcallu ni paibu shimibish engañoga na tiyarcallu. 23 Camish rrimajpibish, na igual rrimarcallu. Sufrijushabish, na amenazarcallu. Más bien, justiciada rrurrallunga illita Diosbu maquibi saquirca. 24 Juchabi ama huañullun mejor Dios munashca shina causallunga, pailladimi rracu caspibi huañunagama ñucunchi juchagunada aparirca. Y “paibu tsugrigunamundami cangunaga sanoyarcanguichi”.