Santiago
2 Ñuca huauqui paniguna, llaquigunada charishcamunda contentos sintirichi, 3 cangunaga chai llaquigunada aguantashmi shinchi feda charishcada yachanguichi. 4 Cangunaga aguantashmi listos, alli sirvijguna, sanos ganguichi, shinami cangunabiga imash na faltanga. 5 Shinaga, canguna yachaida ministishaga Taita Diosda mañaraichilla, paiga cungallami. Paiga na mitsashmi tucuigunamun convidanada yachan. 6 Pero ama dudada charish feun mañish cati, porque dudada charijga huaira mar yacuda caimun chaimun cuyuchij shinami gan. 13 Majinbish pruebagunada charishaga: “Diosmi cai pruebagunada churan” ama nillu. Porque na alli cosasgunaunga nipi Diosdaga pruebagunabi na churai pudinllu, ni paibish malo cosasgunaun ñucunchidaga na castiganllu. 14 Más bien, cada unomi malo munaigunada charishcamunda, inquietashca y umacushca ganga. 15 Shinami, chai munai mirarishaga juchabi urmachin y chai juchaga huañuimunmi apan. 19 Ñuca juyashca huauquipaniguna, caida yachallunmi munani, uyangabuga listomi gana ganguichi. Imadash ama rrato ninguichillu y ama rrato fiñaringuichillu, 20 colerashaga, Taita Diosbu munashcada na rrurrashunllu. 26 Pish Taita Diosda adorajushcada yuyash, pero paibu calluda na jarcai pudishaga, pailladimi shungubi engañarin, y Taita Diosda pai adorajushcaga nima na sirvinllu. 27 Ñucunchi Taita Diosga paida cashna alli, limpio adorallunmi munan: taitamamada na charijgunada, viudagunada llaqui horasbi cuidanami ganchi, shinalladi cai mundobu rrurraigunaun na tsagrurinallu ganchi.