Hechos
16 Shinaga, Atenas llactabi Pablo shuyajushmi, chai llajtabi ashca santoguna junda gajta rricushaga demas colerarca. 17 Shinaga, sinagogabimi judiogunada y Diosda adoraj cutishuj gentegunada intindichish ayudarca. Shinalladimi, tucui funchaguna plaza y mercadobi purinajuj gentegunamun intindichish ayudarca. 22 Chaimi Pabloga Areópago chaupibi shayarish cashna nirca: “Atenas llactamunda genteguna, cangunaga cutishuj gentegunamundash yalli diosgunada adorajtami rricushcani. 23 Por ejemplo, caida purijushaga canguna diosgunada adorana puestogunadami rricurcani, incluso shuj altarbiga ‘na rrijsishca Diosbu’ nish escribishcadami rricurcani. Shinaga canguna na rrijsishca Diosmundami ñucaga parrlajuni. 25 Pailladimi gentegunamun causaida, samida, y tucui cosasgunada cun. 28 Porque paimundami causaida charinchi, cuyurinchi y tiyanchi.