Mateo
8 Gratismi chasquircanguichi y gratismi cuna ganguichi. 16 “Rricuichi cangunadaga llamagunada shinami lobogunabu chaupibi cachajuni. Chaimunda culebraguna shina cuidadoun purichi y paloma shina inocentes gaichi. 19 ¿Imadadi nisha?, o ¿imashinadi nisha? nish ama preocuparichillu, ima ninadaga Taita Diosmi chai rrato yuyachinga. 29 ¿Nallu cierto gan? Ishqui pajarogunadami shuj monedallabi jatun, pero shuj pájaro cai allpabi urrtarijpish Taita Diosga yachanmi. 30 Shinalladimi, canguna umabi mashna ajchagunada charishcadaga Taita Diosmi yachan. 31 Chaimunda ama manchaichillu. Cangunaga uchilla pajarogunamundash yalli valishcami ganguichi. 34 Cai allpabi alli causaida cungabu shamushcada ama yuyaichillu; tranquilo causaida cungabu na shamurcanillu, sino cangunada contrabi churangabumi shamurcani. 35 Ñucaga familiada partichingabumi shamurcani. Churiga taitabu contrami tucunga, ushushiga mamabu contrami tucunga, y nueraga suedrabu contrami tucunga. 36 Ari, cangunabu familia ucumundami enemigoguna llujshinga. 37 Pish ñucada yalli paibu taitamamada juyashaga ñucadaga na sirvi pudingallu. Pish ñucada yalli paibu huahuagunada juyashaga ñucadaga na sirvi pudingallu.