Lucas
8 Chai jipami diferente llactagunamun, diferente pueblogunamun, Diosbu Gobiernomunda alli noticiagunada huillash purirca, paiunga 12 apostolgunami rrinajurca, 40 Jesús Galileamun vueltamujpiga ashca gentegunaga allimi chasquinajurca, paidaga tucuigunami shuyajushca garca. 41 Chai jipami, sinagogamunda presidente Jairo shuti jarimi shamurca. Paiga Jesusbu ñaupujpi cungurishmi paibu huasimun rrillun rogarca, 42 porque paibu 12 huatagunada charij shujlla ushushimi, ña huañujushca garca. Jesús chaimun rrijujpiga, gentegunaga llapirishmi rrinajurca. 49 Pai parrlajujpimi, sinagogamunda presidentebu shuj representantega shamushca, paimun cashna nirca: “Canbu ushushiga ñami huañushca. Yachachijta ña ama molestaillu”. 50 Jesús caida uyashaga, Jairomun cashna nirca: “Ama manchaillu, shinchi feda charishcada rricuchi, chashna paiga salvaringa”. 51 Huasimun chayashaga solo Pedro, Juan, Santiago y chai huahuabu taitamamadami yaicullun saquirca, cutishujguna yaicullunga na saquircallu. 52 Tucui gentegunami chai huahuamunda ashca llaquirish pechoda huajtash huacanajurca. Chaimundami Jesusga: “Ama huacaichillu, paiga na huañushcallu, puñujunllami” nirca. 53 Chaida uyashaga, paimunda burlarishmi asiri callarinajurca, porque paigunaga chai huahua huañushca gashcada allimi yachanajurca. 54 Chaimi Jesusga huahuabu maquida japish: “Huahua, jatari” nishmi cayarca. 55 Shina nijpimi huahuaga chai rratomi causarirca. Y Jesusga micunada carallun mandarca. 56 Chaimi huahuabu taitamamaga ashcadami contentarinajurca, pero Jesusga chaibi ima tucushcada nipimun ama parrlallun mandarca.