Mateo
7 Mañash catichi paiga cungami, mascaichi taringuichimi, punguda huajtaichi paiga pascangami. 12 Chaimunda, quiquingunada imashina tratallun munashca shinalladi cutishujgunada trataichi. Shinami, Leybi y Profetagunamun nishcaga fajtarin. 13 “Quishqui punguda yaicuichi. Porque huañuimun apaj pungu y ñanga anchomi, y chai pungudaga ashcagunami yaicunajun; 14 cutin para siempre causaimun apaj pungu y ñanga quishquimi, chai ñandaga ashagunallami tarinajun”. 21 “Ñucada Señor, Señor ninajushash na tucuigunallu jahua cielo Diosbu Gobiernobi yaicunajunga. Ashtaunbish, jahua cielobi gaj ñuca Taitabu voluntadta rrurrajgunallami yaicunajunga. 24 Chaimunda, ñuca yachachishcagunada uyash cazujmi rrumi jahuabi huasida shayachij alli yuyaj jari laya ganga. 25 Tamiajpi, yacu jatarish, ashca huaira fucush huasida cuyuchijpibish..., huasiga rrumi jahuabi rrurrashca gashcamundami, na urmarca.