Isaías

35 Chaquishca pamba y chaquishca allpaga ashcadami contentaringa, y sitashca pambaga cushi sintirish azafrán sisa shinami tucunga. 2 Seguromi; sisagunaun jundarish felizmi ganga. Y contentarishcamundami caparinga. Libano urcu charishca alabanzadami charinga, Carmelo y Sarón urcuguna shina sumajmi tucunga. Jehovabu alabanza y pai jatun gashcadashmi rricunajunga. 5 Chai tiempobiga, na rricujgunabu ñahuigunaga pascaringami. Shinalladi sordogunabu rrinrribish pascaringami. 6 Chai tiempobiga, na tajti pudijgunaga taruga shinami saltanga, shinalladi na parrlai pudijgunaga feliz gashcamundami caparinga. Chaquishca allpabimi yacu llujshinga, shinalladi chaquishca pambagunabishmi ashca yacuguna tiyanga.