Génesis

4 Pero, aichadaga yahurunga na micunallu gangui, yahurga causaimi gan. 8 Jipami, Taita Diosga Noemun y paibu churigunamun cashna nirca: 9 “Cununga shuj pactoda cangunaun, cangunabu huahua huahuagunaunmi rrurrani 10 y arcamunda quiquingunaun llujshishca —vuelaj animalgunaun, tucui animalgunaun, cai allpabi tucui causaida charijgunaunmi— chaida rrurrani. 11 Cai pactodami cangunaun rrurrani: nunca más juillu tamiaun tucui causaida charijgunada na tucuchisha, ni cai allpadabish na dañashallu”. 12 Jipami Diosga ashtaun nirca: “Cangunaun, cai allpabi causajgunaun y paigunabu huahua huahuagunaun rrurrashca pactoda yuyarillunmi, cai señalda rricuchisha: 13 fuyubimi ñuca cuichida churani. Caiga ñuca cai allpaun rrurrashca pactoda rricuchinga. 14 Cai allpamun fuyugunada cachajpimi, cuichiga sin falta fuyugunabi rricuringa. 15 Shinami sin falta cangunaun, cai allpabi tucui causaida charijgunaun rrurrashca pactoda yuyarisha. Yacugunaga juillu tamia shina tucush nunca más tucui cai allpabi causajgunada na tucuchingallu. 16 Fuyugunabi cuichi rricurijpimi, ñucaga chaida rricush sin falta cai allpabi causajgunaun para siempre rrurrashca pactoda yuyarisha”.