2 Crónicas
9 Paigunaga sacerdote Hilquiasda rricungabumi rrinajurca, paimunga Taita Diosbu huasimunda apamushca cullquidami curca, punguda cuidaj levitagunami Manasés, Efraín y cutishuj israelitagunamunda, Judá, Benjamín, shinalladi Jerusalenbi causajgunamundash tandashca cullqui garca. 10 Entonces paigunaga Jehová Diosbu huasida allichingabu pushajgunamunmi cunajurca. Chaimundami, Jehová Diosbu huasida arreglangabu chai cullquida japinajurca. 11 Artesanogunamun, maestroguna jatun rrumigunada, caspigunada rrandillunmi cullquida curca, Judá llajtada mandajguna Taita Diosbu huasida na cuidashcamundami dañarishca garca, Diosbu jatun huasi ucugunada vigagunaun de nuevo allichingabumi garca.