Mateo
13 Shinaga Jesusga Galilea llactamundami Jordán yacubi Juan bautizallun rrirca. 14 Pero Juanga na bautizasha nishmi cashna nirca: “Canmi ñucadaga bautizana gangui ¿ima nishti canga ñuca bautizallun nish shamungui?”. 15 Chaimi Jesusga contestarca: “Ama jarcaillu shina rrurrashmi Dios munashca shina tucuida fajtachishun”, shina nijpimi Juanga ña na jarcash catirca. 16 Jesús bautizarish yacumunda llujshishca jipami, chai rrato jahua cielo pascarish Taita Diosbu espíritu shuj paloma shina Jesusbu jahuamun uriyamujtami rricurca. 17 Chai jipami jahua cielomunda shuj voz cashna nirca: “Caimi ñuca juyashca Churi; paimi ñuca aprobacionda charin”.