Marcos
30 Apostolguna Jesusmun mayayashmi tucui ima rrurrashcada, ima yachachishcadashmi huillanajurca. 31 Paiga nirca: “Chulunlla pushtubi samangabu ñucaun jacuchi”. Ashca genteguna catirajushcamundami micungabush tiempoda na charinajurca. 32 Chaimundami, shuj barcobi chulunlla pushtumun samangabu rrinajurca. 33 Pero paiguna rrijtaga ashca gentegunami rricunajurca, shinalladi ashcagunami yachaj chayanajurca, shinaga tucui llactagunamunda genteguna chaquiun rrishmi paigunada ñaupush chayanajurca. 34 Barcomunda uriyajushaga ashca gentegunada rricushcamundami shungu ucubi llaquilla sintirirca, paigunadaga michij illaj llamagunada shinami rricurca. Chaimundami ashca cosasgunada yachachi callarirca. 35 Ña tardeyajpimi discipuloguna Jesusmun mayayash cashna nirca: “Caibiga shitashca pambami ñami tarde gan. 36 Cai gentegunada campogunamun, pueblogunamun micunada rrandillun cachai”. 37 Pero paiga cashnami contestarca: “Micunada cangunalladi caraichi”. Chaimi paigunaga tapunajurca: “¿Paigunamun carangabu, 200 denarios cullquillaunllu tandada rrandillun munangui?”. 38 Jesusga nirca: “¿Mashna tandadadi charinguichi? Rricugrichi”. Rricushca jipaga ninajurca: “Pishca tandagunada, ishqui pescadogunalladami charinchi”. 39 Chai jipami Jesusga gentegunada verde jihua jahuabi grupogunada rrurrash tiyarillun mandarca. 40 Shina nijpimi 100 gentegunapura, y 50 gentegunapura tiyarinajurca. 41 Jipaga pishca tandagunada y ishqui pescadogunada japishmi jahua cieloda rricush shuj oracionda rrurrarca, jipaga tandagunada chaupish, discipuloguna gentegunamun carallun curca. Shinalladi ishqui pescadogunadash gentegunamun cararca. 42 Shinami tucuiguna huijsa pajtajta micush contento saquirinajurca. 43 Jipaga 12 canasta junda puchushca tandagunada tandachinajurca, pescadogunashmi puchurca. 44 Chai funchaga 5000 jarigunami tandada micunajurca.