Apocalipsis

14 Sion urcu jahuabi malta llama shayajujtami rricurcani, paiunga 144.000-gunami paibu shutida, Taitabu shutidash frentebi escribishcada charinajurca. 2 Chaimi jahua cielomundaga shuj jatun culun nijtami uyarcani. Chaiga ashca yacu huacajuj shinami uyarirca y shuj rayo portarijuj shinami garca. Chai culun nijtaga cantanteguna arpagunada tocash cantajuj shinadami uyarcani. 3 Paigunaga Taita Diosbu ñaupujbi, chuscu causaida charijgunabu ñaupujbi y ancianogunabu ñaupujbi shuj mushuj cantoda cantanajun. Cai cantodaga nipi na alli yachai pudircallu, solo cai allpamunda rrandishca 144.000-gunallami chai cantoda yachanajurca. 4 Paigunaga huarmigunaun na mapayashcamunda limpiogunami gan; Paigunaga Malta llamada maimun rrijpish catinajun. Tucui gentegunapuramundami Taita Diosmun y Malta llamamun punta fucushca rrandishcagunami garca, 6 jahua cielobi shuj ángel volajujtami rricurcani. Paimi cai allpabi causajgunamun, tucui paisgunamun, familiagunamun, idiomagunamun y pueblogunamun alli noticiagunada huillana garca. 7 Chai angelga caparishmi nirca: “Taita Diosda manchaichi, paida alabaichi, porque gentegunada juzgana horasga ñami chayamushca. Chaimunda jahua cieloda, cai allpada, mar yacugunada y fuyugunada rrurrajta adoraichi” nircami.