Génesis
3 Shinaga, campobi tiyaj Jehová Dios rrurrashca tucui animalgunamundaga, culebrami tucuimunda más alli yachajmi garca. Paiga huarmida cashnami tapurca: “¿Ciertollu Taita Diosga jardinbi tiyaj tucui yuragunamunda ama micunguichi nirca?”. 2 Shina nijpiga, huarmiga chai culebramun cashna contestarca: “Jardinbi tiyaj yuragunamundaga micui pudinchimi. 3 Pero jardín chaupibi tiyaj yuramundaga, Diosga nirca: ‘Chaimundaga ama micuna ganguichi; na tupana ganguichillu. Chaida rrurrashaga, huañunguichimi’’’. 4 Shina nijpimi, culebraga huarmida cashna nirca: “Na, na huañunguichillu. 5 Ashtaunbish chai yuramunda micushaga, chai funchalladimi ñahuigunada pascarish Dios shina tucuna gashcada, ima alli gashcada, ima na alli gashcadaga yachaj chayanguichimi, Diosmi yachan”. 6 Shinaga huarmi chai yurabu frutoda rricushaga micungabu alli y mishqui ganadami yuyarca. Shinami, yuraga paibu ñahuibiga juilahua rricurirca. Paiga frutoda japishmi micui callarirca. Jipaga, paibu cusaun gashmi, paimun cujpimi paibish micui callarirca. 19 Allpamundami rrurrashca gangui, cutin allpamun vueltangagama shinchi trabajash, micush causangui. Porque allpami gangui y cutin allpalladimi tucungui”. 23 Jehová Diosga jardín de Edenmunda llujshichish allpabi trabajallunmi cacharca porque paigunaga allpamunda rrurrashcami garca.