1 Corintios
13 Cangunaga cutishuj genteguna shinalladimi tentaciongunada charinguichi. Pero Diosga fajtachij gashcamundami tentacionguna demas llaquichillunga na saquinga, sino que llaquichijpiga aguantallunmi fuerzasda cunga. 21 Diosbu copamunda y demoniogunabu copamundash na ufiai pudinguichillu, shinalladi “Jehová Diosbu mesamunda” y demoniogunabu mesamundash na micunallu ganguichi. 23 Tucuidami rrurrai pudinchi, pero na tucuillu alli gan. Tucuidami rrurrai pudinchi, pero na tucuillu shinchiyachin. 24 Ama canlla beneficiarinada mascai, sino cutishujgunabish yuyai. 31 Chaimunda, micujushash, ubiajushash o ima cutishuj cosasgunada rrurrajushash, Taita Diosda jatunyachingabu rrurraichi. 32 Judiogunada, griegogunada y Taita Diosbu congregacionda ama pantachinguichillu, 33 imashinami ñucallabi na yuyash imadash rrurrashcani, sino ashcaguna beneficiarish salvarillunmi tucuida rrurrashcani.