Génesis

13 Chai tutaga chaibimi pasarca. Jipaga pai ima charishcagunadami paibu huauqui Esaumun cunbidangabu agllarca: 14 200 huarmi chitagunada, 20 jari chitagunada, 200 llamagunada, 20 carnerogunada, 15 30 huarmi camellogunada huahuagunandi, 40 vacagunada, 10 torogunada, 20 huarmi burrogunada y 10 jari burrogunada. 16 Jipaga animalgunada huaquin grupogunada rrurrashmi paibu sirvijgunamun cushaga: “Ñucada ñauparash carubi carubi rrichi” nirca. 17 Shinalladi ñaupush rrijtaga mandarcami: “Ñuca huauqui Esaú tupash ‘¿Canga pibu sirvijdi gangui, maimundi rrijungui? ¿Canda ñauparash rrij cai animalgunaga pibujti gan?’ nish tapujpiga, 18 cashnami nina gangui, ‘canda sirvij Jacobbumi gan. Paimi ñucunchi huashada shamujun. Ñuca amito Esaú, caiga canbu regalomi gan’”. 19 Shinalladi segundo, tercero y cutishuj grupo animalgunaun rrijgunadashmi nirca: “Esauhuan tuparishaga chailladadimi nina ganguichi. 20 Shinalladi: ‘Canda sirvij Jacobmi ñucunchi huashada shamujun’” nina ganguichi. Porque Jacobga: “Ñuca huauqui Esaú animalgunada cunvidajta rricushaga, colerada pasachishmi tal vez contento chasquinga” yuyarca.