Lucas
21 Chai jipa, Jesusga, cullquiyuj genteguna cullquida tandana cajagunabi cullquida churajtami rricurca. 2 Chaibiga shuj viuda pobre huarmi ishqui monedallada ashalla cullquida churajtami rricurca, 3 chaida rricushmi Jesusga nirca: “Cai pobre huarmimi tucui charij gentegunamundash yallida churashca. 4 Porque charijgunaga paigunabu puchushcadami cunajun; pero pobre huarmiga, pai tucui charishcadami cushca”. 9 Shinalladi, guerragunamunda, llaquigunamunda uyashaga ama sustarichillu. Porque primeroga cai cosasgunami fajtarina gan, pero tucuri funchaga na rrato chayamungallu”. 10 Shinami nirca: “Caishuj chaishuj paisguna, gobiernogunash paigunapurami peleanajunga. 11 Jatun terremotoguna, diferente lugargunabi yarijaiguna y manchanai unguigunashmi tiyanga. Ashtaunbish, jatun mancharinaguna y cielobish na rricurishca señalgunami tiyanga”. 24 Y paigunadaga espadaunmi huañuchinajunga y tucui llactagunamun presomi apanajunga; y Jerusalendaga llactagunabu señalashca tiempoguna tucuringagamami tucui llactagunamunda sarushca ganga