Lucas
3 Huata 15-bi jatun mandaj Tiberio César mandajujpi, —Poncio Pilato Judea llactada mandajujpi, Herodes Galilea llactada mandajujpi, paibu huauqui Filipo, Iturea y Traconítide llactada mandajujpi, shinalladi Lisanias Abilene llactada mandajujpi—, 2 Anás y Caifás sacerdote shina mandajui funchagunabimi, Zacariasbu churi Juanga, chaquishca pambabi Taita Diosbu shuj mensajeda chasquirca. 21 Shinaga, Juan ashca gentegunada bautizashca jipami Jesusbish bautizarirca. Jesús Taita Diosda mañajujpimi jahua cieloga pascarirca, 22 chaibimi espíritu santoga shuj paloma shina paibu jahuamun uriyamurca y jahua cielomunda shuj voz cashna nishcami uyarirca: “Canmi ñuca juyashca churi gangui. Canmundami demas contentarini”. 23 Jesusga 30 huatagunada charishmi Taita Diosbu palabrada predicai callarirca. Gentegunaga Jesús Josebu churi gashcada y Josega Helibu churi gashcadami crinajurca,