1 Pedro
3 Shinalladi, huarmiguna, cangunabu cusagunada cazuichi, shinami Taita Diosmunda na yachanada munajguna gashash, huarmiguna alli comportarijta rricushmi na imada huillajpish paigunaga uyanada munanga, 2 alli comportarijta y shungumunda respetajta rricushcamunda. 3 Cangunabu adornoga na tanto valishca cosasgunallu gana gan, ajcha demas chimbarishca, oromunda adornoguna ni caro ropaguna, 4 sino cangunabu shungumi na dañarij ropada churachishca shina tranquilo y alli gana gan, chaimi Taita Diosbu ñaupujpiga demas valishca gan. 5 Cashnami ñaupa tiempobi Taita Diosda sirvij huarmigunaga adornarijguna garca, Taita Dios bendicianada shuyashmi paigunabu cusagunada cazujguna garca, 7 Shinalladi, cusaguna, cangunabu huarmigunada rrijsish alli yuyaiun causaichi. Huarmigunadaga faquirijlla vasoda shina alli trataichi, paigunashmi Taita Dios cusha nishca tucui bendiciongunada cangunaun chasquinga. Cashna na rrurrajpiga canguna mañashcadaga Taita Diosga na uyangallu. 8 Familia shina caishuj chaishuj juyanajuichi. 12 Jehová Diosbu ñahuiga allida rrurrajgunabimi gajun, shinalladi paibu rrinrriga paigunabu mañashcagunadami uyajun, pero Jehová Diosbu ñahuiga malo cosasgunada rrurrajgunadaga na rricunachinllu”. 15 Más bien Cristodaga cangunabu shungubi amoda shina respetaichi, shinalladi cangunabu esperanzamunda ima tapuida rrurrajpi contestangabu siempremi listos gana ganguichi, ashtaun tranquilo respetounmi yachachina ganguichi. 18 Cristoga juchada para siempre chingachingabumi shuj vueltallami huañurca, canguna Taita Diosun alli tucullunmi allida rrurraj shujlla jariga na allida rrurrajgunamunda huañurca. 21 Bautizarinami, cununbish cangunada salvajun.