1 Timoteo

3 Cai shimiga ciertomi gan: shuj jari superintendente tucusha nish esforzarijushaga allimi gan. 2 Chaimunda, superintendentega tucuibi alli nishca gana gan, shuj solo huarmibu cusa y alli costumbregunadami charina gan; responsable, ordenado, puzachij, yachachingabumi alli yachana gan. 3 Na machaj ni peleador ganallu gan, sino alli yuyajmi gana gan. Shinalladi peliaringo y cullquimunda interesado na ganallu gan. 4 Paibu familiadash alli pushaj, shinalladi paibu huahuagunash cazuj alli comportarijgunami gana gan 5 (porque, si shuj jari paibu propio familiada na pushai pudin, ¿imashinadi Taita Diosbu congregaciondaga cuidai pudingari?). 6 Paiga Taita Diosda cununlla sirvi callarijga na ganallu gan, ama jatunyarillun, chaida rrurrashaga Diablo shinami shuj condenada chasquinga. 7 Shinalladi, gentegunabu ñaupujbimi alli rricurishca gana gan, shinami nipi na juchachinga y Diablobu trampabi na urmaringa. 8 Shinalladi, siervo ministerialgunash alli comportarijguna; caida chaida nish na parrlajguna, na ubiadorguna, interesmunda imadash na rrurrajgunallu gana gan, 9 sino Taita Dios yachachishcabimi alli concienciaun shungumunda feda charina gan. 10 Shinalladi, puntabiga cai trabajoda rrurrai pudina gashcadami alli rricuna gan; pish ama juchachillun, alli sirvij gashaga cutishujgunada sirvina gan. 11 Huarmigunash allimi comportarina, na llullajllu gana gan. Alli costumbregunadami charina gan y tucuida alli rrurrana gan. 12 Siervo ministerialgunaga shuj solo huarmibu cusa, shinalladi huahuagunada, familia ucubiga allimi pushaj gana gan. 13 Mingashca trabajoda alli fajtachishaga alli rruna nishcami ganga y cutishujgunamun paibu fe Cristo Jesusbi gashcada parrlangabuga confianzadami charinga.